ક્રાઈમ / હિન્દુ નામ ધારણ કરી વિધવા સાથે કર્યું ગંદુ કામ, નામચીન નીકળ્યો દુષ્કર્મી, રાજકોટનો કિસ્સો

Dinesh

Last Updated: 05:50 PM, 23 April 2024

FOLLOW ON

શેર કરો

Rajkot News: રાજકોટમાં હિન્દુના નામે વિધવા સાથે દુષ્કર્મ આચરનારા મુસ્લિમ યુવક આરોપી યાસીન ઉર્ફે ભુરા કૈયડાની પોલીસે ધરપકડ કરી છે.

વર્તમાનમાં જુદી જુદી ઓળખ આપી ગુનાહિત પ્રવૃત્તિ કરનાર આરોપીઓની સંખ્યા દિવસેને દિવસે વધી રહી છે. રાજકોટમાં હિન્દુના નામે વિધવા સાથે દુષ્કર્મ આચરનારા મુસ્લિમ યુવકની ધરપકડ કરાઈ છે. ક્રાઈમ બ્રાન્ચે 36 વર્ષીય કુખ્યાત આરોપી યાસીન ઉર્ફે ભુરા કૈયડાની ધરપકડ કરી છે.

લગ્નની લાલચે વિધર્મીએ આચર્યું દુષ્કર્મ

આરોપીએ મહિલા સાથે સંબંધ રાખી લગ્નની લાલચ આપી 8 વર્ષ દુષ્કર્મ આચર્યું હતું. પીડિત મહિલા આરોપી સાથેના સંબંધ બાદ ત્રણ સંતાનની માતા બની હતી. મહિલાને યાસીનના નામની જાણ થતા મહિલાએ પોલીસ ફરિયાદ નોંધાવી હતી. જે બાદ પોલીસે આરોપી યાસીન ઉર્ફે ભુરા કૈયડાની ધરપકડ કરી છે.

વાંચવા જેવું: શું નિલેશ કુંભાણી કરશે કેસરિયા? ભાજપમાં જોડાવાની અટકળો વચ્ચે મોહન કુંડારિયાનું મોટું નિવેદન

પીડિત મહિલા 3 સંતાની માતા

રાજકોટ ડીસીપી પાર્થરાજસિંહ ગોહિલના જણાવ્યા મુજબ 34 વર્ષીય મહિલા દ્વારા મહિલા પોલીસ સ્ટેશનમાં ફરિયાદ નોંધાવવામાં આવી હતી કે, પોતે ટિફિન સર્વિસ તેમજ કપડાં વેચવાના વ્યવસાય સાથે સંકળાયેલી છે. આશરે 14 વર્ષ પૂર્વે તેના પતિએ ગળાફાંસો ખાઈ આપઘાત કરી લીધો હતો. ત્યારબાદ તેમના સંપર્ક યાસીન ઉર્ફે ભૂરા સાથે થયો હતો. સંપર્ક થતા બંને વચ્ચે ફોનના માધ્યમથી વાતચીત પણ થતી હતી. તેમજ યાસીન ઉર્ફે ભૂરો અવારનવાર મળવા પણ આવતો હતો. ભૂરાએ પોતાની ઓળખાણ રાહુલ પ્રજાપતિ હોવાની આપી હતી.સાથે જ પોતાના છૂટાછેડા થઈ ગયા છે તેમ કહી પોતાના માતા પિતાને ભાઈ બહેનને પણ મેળવાયા હતા.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો

સંકળાયેલા મુદ્દાઓ

Rajkot News heathen rape case rajkot crime news દુષ્કર્મ કેસ વિધર્મી દુષ્કર્મ કેસ Rajkot News