6 ફોટો ગેલેરી

Cyclone / પવનની ગતિ 140કિમી પ્રતિ કલાક… શું વાવાઝોડું અર્નબ દિલ્હી, યુપી અને બિહારમાં પણ તબાહી મચાવશે?

Last Updated: 10:55 PM, 27 October 2026

FOLLOW ON

શેર કરો

બંગાળની ખાડીમાં સક્રિય ચક્રવાત અર્નબ 28 ઓક્ટોબરે આંધ્ર પ્રદેશના દરિયાકાંઠે ત્રાટકી શકે છે જ્યાં પવનની ઝડપ 140 કિમી પ્રતિ કલાક સુધી પહોંચવાની શક્યતા છે. આ વાવાઝોડાની અસર ઉત્તર પ્રદેશ, બિહાર અને દિલ્હી-NCR સુધી કેવી રીતે પહોંચી શકે છે અને કયા વિસ્તારોમાં વરસાદનું જોખમ છે, ચાલો જાણીએ સમગ્ર હવામાન અપડેટ વિષે.

1/6

1. અર્નબ સાયક્લોન

બંગાળની ખાડીમાં સર્જાયેલું ચક્રવાતી તોફાન ‘અર્નબ’ હવે વધુ શક્તિશાળી બનવાની દિશામાં આગળ વધી રહ્યું છે. હવામાન વિભાગના અનુમાન મુજબ આ વાવાઝોડું 28 ઓક્ટોબરે આંધ્ર પ્રદેશના દરિયાકાંઠે ટકરાઈ શકે છે. તેની અસર માત્ર દરિયાકાંઠાના વિસ્તારો સુધી સીમિત રહેવાની નથી પરંતુ ઉત્તર પ્રદેશ, બિહાર અને દિલ્હી સહિત ઉત્તર ભારતના અમુક વિસ્તારોમાં પણ વરસાદ અને તેજ પવનનું જોખમ ઊભું થઈ શકે છે.

આ તસવીર શેર કરો

2/6

2. ક્યાં-ક્યાં અસર થશે?

આંધ્ર પ્રદેશ ઉપરાંત આ તોફાન ઓડિશા, ઉત્તર પ્રદેશ, બિહાર, દિલ્હી અને નેપાળને પણ અસર કરી શકે છે. IMDના નવા ટ્રેક મુજબ અર્નબનું સિસ્ટમ આંધ્રના કિનારે અથડાયા બાદ ઉત્તર-પશ્ચિમ તરફ અને પછી ઉત્તર તરફ આગળ વધી શકે છે. તેના બાકીની અસર ઉત્તર પ્રદેશ અને નેપાળ તરફ જઈ શકે છે. વેસ્ટર્ન ડિસ્ટર્બન્સ સાથેની ક્રિયા-પ્રતિક્રિયાને કારણે ઉત્તર ભારત અને નેપાળના અમુક વિસ્તારોમાં ભારે વરસાદ થઈ શકે છે.

આ તસવીર શેર કરો

3/6

3. આંધ્ર પ્રદેશ

રાજ્યના આશરે 18 જિલ્લા અસરગ્રસ્ત થઈ શકે છે. તોફાન કિનારે અથડાતી વખતે પવનની ઝડપ 140 કિમી/કલાક સુધી પહોંચી શકે છે. આંધ્ર સરકારના મતે આશરે 7 લાખ લોકો અસરગ્રસ્ત થઈ શકે છે. લોકોને સુરક્ષિત સ્થાનો પર ખસેડવામાં આવી રહ્યા છે અને મુખ્યમંત્રી ચંદ્રબાબુ નાયડુ પોતે મોનિટરિંગ કરી રહ્યા છે. આંધ્ર અને ઓડિશામાં રેડ અને ઓરેન્જ અલર્ટ જારી કરવામાં આવ્યા છે.

આ તસવીર શેર કરો

4/6

4. ઓડિશા

આંધ્રમાં પ્રવેશ કરતી વખતે ઓડિશામાં પણ અસર દેખાશે. અહીં પવનની ઝડપ 125 કિમી/કલાક સુધી પહોંચી શકે છે અને વરસાદનો પણ ખતરો છે. તટીય વિસ્તારોમાંથી લોકોને સુરક્ષિત સ્થાનો પર ખસેડવામાં આવી રહ્યા છે.

આ તસવીર શેર કરો

5/6

5. ઉત્તર ભારત અને દિલ્હી

IMDના મતે 28 ઑક્ટોબરે તોફાન આંધ્રના કિનારે અથડાશે. બંગાળની ખાડીમાં પહેલેથી જ લો પ્રેશર એરિયા સક્રિય છે. જો આ બંને મળી જાય તો તે ઉત્તર ભારત તરફ વધી શકે છે, જેનાથી નેપાળ, ઉત્તર પ્રદેશ અને બિહારમાં ભારે વરસાદ થઈ શકે છે. તેની અસર દિલ્હી અને નોઈડામાં પણ જોવા મળી શકે છે. ઝારખંડ અને ઓડિશામાં 29 ઓક્ટોબરે તથા બિહારમાં 29-30 ઓક્ટોબરે આંધી સાથે ભારે વરસાદની ચેતવણી જાહેર કરવામાં આવી છે.

આ તસવીર શેર કરો

6/6

6. લોકોને શું સાવચેતી રાખવાની સલાહ?

ચક્રવાતને ધ્યાનમાં રાખીને દરિયાકાંઠાના વિસ્તારોમાં રહેતા લોકોએ સ્થાનિક વહીવટીતંત્રની સૂચનાઓનું પાલન કરવું જોઈએ. તેજ પવન દરમિયાન ખુલ્લી જગ્યાએ જવાનું ટાળવું, કમજોર બાંધકામો અને ઝાડની નજીક ઊભા ન રહેવું તથા બિનજરૂરી દરિયાઈ મુસાફરીથી દૂર રહેવું હિતાવહ છે. હવામાનની સ્થિતિ ઝડપથી બદલાઈ શકે છે, આથી ઓફિશિયલ ચેતવણીઓને જ પ્રાથમિકતા આપવી.

આ તસવીર શેર કરો

સંકળાયેલા મુદ્દાઓ

Cyclone Alert India Delhi Weather Cyclone Arnab