દુઃખદ / રાજકોટના લોથડા ગામે પાણી ભરેલા ખાડામાં ડૂબી 2 બાળકોના મોત

રાજકોટ નજીક આવેલા લોથડા ગામે કરુણ ઘટના સામે આવી છે. પાણી ભરેલા ખાડામાં છબછબીયા કરવા ગયેલા બે ભૂલકાઓના ડૂબી જવાથી મોત થયા છે. મૃતકોમાં હિતેશ અને મનિષા નામના બે બાળકોનો સમાવેશ થાય છે.

બંને બાળકો અચાનક પાણી ભરેલ ખાડામાં ડૂબી ગયા

મળતી માહિતી મુજબ, બંને બાળકો પાણી ભરેલા ખાડામાં રમવા ગયા હતા ત્યારે અચાનક ડૂબી ગયા હતા. ઘટનાની જાણ થતાં પરિવારજનો અને સ્થાનિક લોકો દ્વારા બંનેને બહાર કાઢી બેભાન હાલતમાં રાજકોટની ઝનાના હોસ્પિટલ ખાતે ખસેડવામાં આવ્યા હતા, જ્યાં ફરજ પરના તબીબોએ બંનેને મૃત જાહેર કર્યા હતા.

આ પણ વાંચોઃ પરસોતમ પીપળીયાએ હાર્દિક પટેલ પર કર્યો કટાક્ષ, ‘પક્ષપલટો કરવો પણ નૈતિક અધઃપતન’

પરિવાર રોજગારી માટે મધ્યપ્રદેશથી રાજકોટ આવ્યો

મૃતક બંને બાળકો મૂળ મધ્યપ્રદેશના વતની હોવાનું સામે આવ્યું છે. તેમનો પરિવાર રોજગાર માટે મજૂરી અર્થે રાજકોટ આવ્યો હતો. પરિવાર પર એકસાથે બે બાળકોના મોતથી શોકનો માહોલ છવાયો છે. આ બનાવને પગલે સ્થાનિકોમાં શોકના લાગણી ફેલાઈ છે. ઘટનાની જાણ થતાં પોલીસે સ્થળ પર પહોંચી તપાસ હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ