રાજ્યમાં ભારે વરસાદની આગાહીને વહીવટી તંત્ર એલર્ટ છે. ઉત્તર ગુજરાતથી લઈ દક્ષિણ ગુજરાત, સૌરાષ્ટ્ર સહિતનાં અનેક વિસ્તારોમાં હવામાન વિભાગ દ્વારા એલર્ટ આપવામાં આવ્યું છે.
Share
આવતીકાલે રાજ્યમાં ભારે વરસાદની આગાહી
કચ્છ, મોરબીમાં રેડ એલર્ટ અપાયુ
બનાસકાંઠા,પાટણમાં યલો એલર્ટ અપાયુ
જામનગર, રાજકોટમાં ઓરેન્જ એલર્ટ અપાયુ
આજે રાજ્યના 158 તાલુકામાં વરસાદ
આજે રાજ્યનાં 158 તાલુકામાં મેઘ મહેર થવા પામી છે. જેમાં સવારે 6 થી 2 વાગ્યા સુધી કુલ 158 તાલુકામાં વરસાદ વરસ્યો હતો. જેમાં સૌથી વધુ વરસાદ રાપર તાલુકામા 4.5 ઈંચ નોંધાયો હતો. જ્યારે માળિયા હાટીનામાં 3.5 ઈંચ, હળવદ તેમજ જામનગરમાં 3 ઈંચ, મોરબીમાં 2.5 ઈંચ, ટંકારામાં 2 ઈંચ, પોરબંદર, ચોર્યાસી, નવસારી તેમજ વાંકાનેરમાં 1.5 ઈંચ વરસાદ નોધાયો હતો.
આવતીકાલ રાજ્યનાં અનેક વિસ્તારોમાં રેડ એલર્ટ
આવતીકાલે પણ રાજ્યમાં ભારે વરસાદની આગાહીનાં પગલે કચ્છ તેમજ મોરબીમાં રેડ એલર્ટ અપાયું છે. જ્યારે સુરેન્દ્રનગર, જૂનાગઢમાં યલો એલર્ટ અપાયું છે. તો દ્વારકા, પોરબંદરમાં ઓરેન્જ એલર્ટ આપવામાં આવ્યું છે. સૌરાષ્ટ્રનાં અમરેલી, ગીર સોમનાથ, ભાવનગરમાં વરસાદની આગાહી છે. તો બોટાદ, અમદાવાદ તેમજ ખેડામાં પણ વરસાદની આગાહી કરવામાં આવી છે. જ્યારે ઉત્તર ગુજરાતનાં ગાંધીનગર, મહેસાણા, અરવલ્લી, સાબરકાંઠામાં પણ વરસાદ પડી શકે છે. તો મધ્ય ગુજરાતનાં પંચમહાલ, દાહોદ, મહીસાગર, પંચમહાલ, આણંદ, વડોદરા, છોટાઉદેપુરમાં પણ વરસાદની આગાહી કરવામાં આવી છે. દક્ષિણ ગુજરાતમાં સુરત, તાપી, ડાંગ, નવસારી, વલસાડ સહિતનાં વિસ્તારોમાં આવતીકાલે વરસાદની આગાહી કરવામાં આવી છે.
વાગડ વિસ્તારમાં 4 કલાકમાં 4 ઇંચ વરસાદ
કચ્છનાં રાપરમાં અનરાધાર વરસાદને લઈ લોકોએ ભારે હાલાકીનો સામનો કરવો પડ્યો હતો. રાપર શહેર તેમજ ગ્રામ્ય વિસ્તારોમાં વરસાદી પાણી ભરાઈ જતા રાહદારીઓ તેમજ શહેરીજનો મુશ્કેલીમાં મુકાઈ જવા પામ્યા હતા. ત્યારે વાગડ વિસ્તારમાં 4 કલાકમાં 4 ઈંચ વરસાદ ખાબકતા ઠેર ઠેર પાણી ભરાઈ ગયા હતા. રાપરનાં મુખ્ય બજારમાં વરસાદી પાણી ભરાઈ જતા વેપારીઓને પારાવાર હાલાકીનો સામનો કરવો પડ્યો હતો.
મોરબીના સાદુંળકા ગામ પાસે આવેલ મચ્છુ-3 ડેમ 100 ટકા ભરાયો
મોરબી જિલ્લામાં અને ઉપરવાસમાં સતત વરસાદને પગલે ફરી મોરબીના સાદુંળકા ગામ પાસે આવેલ મચ્છુ-3 ડેમ 100 ટકા ભરાય ગયો છે. આથી આ ડેમનો એક દરવાજો એક ફૂટ ખોલવામાં આવ્યો છે. આ ડેમમાં 2050 ક્યુસેકની આવક સામે 950 ક્યુસેક પાણી છોડવમાં આવ્યું છે. આથી ડેમ હેઠળના મોરબી અને માળીયા વિસ્તારોના 23 ગામોને એલર્ટ કરી મચ્છુ નદીના પટ્ટમાં અવરજવર નહિ કરવાની સૂચના આપવામાં આવી છે.
ધ્રોલ તાલુકામાં 1 ઇંચ જેટલો વરસાદ વરસ્યો
સૌરાષ્ટ્રનાં જામનગર જીલ્લામાં પણ પહેલી સવારથી વરસાદી માહોલ છવાયો હતો. શહેરમાં સવારતી અત્યાર સુધી 3 ઈંચ જેટલો વરસાદ પડ્યો હતો. જેમાં ધ્રોલ તાલુકામાં 1 ઈંચ જેટલો વરસાદ વરસ્યો હતો. જ્યારે કાલાવડ અનો જોડિયામાં અડધો ઈંચ વરસાદ પડ્યો હતો. જ્યારે જામજોધપુર અને લાલપુરમાં વરસાદી ઝાપટા પડ્યા હતા.
ભાભરમાં સૌથી વધુ 7 ઇંચ વરસાદ ખાબક્યો
બનાસકાંઠા જીલ્લામાં છેલ્લા 3 દિવસથી વરસાદ પડી રહ્યો છે. જેમાં ભાભરમાં સૌથી વધુ 7 ઈંચ વરસાદ ખાબક્યો હતો. ભાભરમાં ધોધમાર વરસાદીથી ઠેર ઠેર વરસાદી પાણી ભરાઈ જવા પામ્યા હતા. તો બીજી તરફ પાલનપુર, અંબાજી, ડીસા અને થરાદ, દાંતીવાડા, ધાનેરા, દિયોદર, સુઈગામ અને વાવમાં પણ વરસાદ પડ્યો હતો. ખેતરોમાં પાણી ભરાઈ જતા ખેડૂતોને નુકશાન જવાની ભીંતી સેવાઈ રહી છે.
