IPL Auction / IPLની હરાજીમાં આ ખેલાડી પર પૈસાનો વરસાદ, મોરિસ અને યુવરાજનો તોડ્યો રેકૉર્ડ

• ઈંગ્લેન્ડના સ્ટાર ઓલરાઉન્ડર સેમ કુરાનને સૌથી મોંઘો ખેલાડી બન્યો
• આઈપીએલ) 2023ની હરાજીમાં પંજાબ કિંગ્સ દ્વારા 18.50 કરોડ રૂપિયામાં ખરીદ્યો
• કુરનને ખરીદવા માટે પંજાબ કિગ્સ અને ચેન્નાઈ સુપર કિંગ્સ વચ્ચે લાંબી લડાઈ ચાલી

 ઈંગ્લેન્ડના સ્ટાર ઓલરાઉન્ડર સેમ કુરાનને ઈન્ડિયન પ્રીમિયર લીગ (આઈપીએલ) 2023ની હરાજીમાં પંજાબ કિંગ્સ દ્વારા 18.50 કરોડ રૂપિયામાં ખરીદવામાં આવ્યો છે. કુરન ઈજાના કારણે લીગની છેલ્લી સિઝનમાં રમી શક્યો ન હતો, પરંતુ આ સિઝનમાં તે પુનરાગમન કરે તેવી અપેક્ષા છે. કુરનને ખરીદવા માટે તેની બે જૂની ટીમો પંજાબ કિંગ્સ અને ચેન્નાઈ સુપર કિંગ્સ વચ્ચે લાંબી લડાઈ ચાલી હતી, જેમાં પંજાબનો વિજય થયો હતો. આ સાથે, કુરન આ લીગમાં સૌથી મોંઘો ખેલાડી પણ બની ગયો છે. 

Record Alert 🚨

Sam Curran 𝙗𝙚𝙘𝙤𝙢𝙚𝙨 𝙩𝙝𝙚 𝙢𝙤𝙨𝙩 𝙚𝙭𝙥𝙚𝙣𝙨𝙞𝙫𝙚 𝙥𝙡𝙖𝙮𝙚𝙧 𝙚𝙫𝙚𝙧 𝙩𝙤 𝙗𝙚 𝙗𝙤𝙪𝙜𝙝𝙩 𝙞𝙣 𝙄𝙋𝙇!

He goes BIG 🤯- INR 18.50 Crore & will now play for Punjab Kings 👏 👏#TATAIPLAuction | @TataCompanies pic.twitter.com/VlKRCcwv05

— IndianPremierLeague (@IPL) December 23, 2022

IPL 2023 આગામી સીઝન માટેની હરાજી પૂર્ણ
ઈન્ડિયન પ્રીમિયર લીગ (IPL) 2023નું બ્યુગલ આજથી (23 ડિસેમ્બર) સાચા અર્થમાં વાગવા જઈ રહ્યું છે. કોચીમાં આજે આગામી સિઝન માટે મીની હરાજી પૂરી થઈ ગઈ છે અને આ વખતે મિની ઓક્શન માટે 405 ખેલાડીઓને શોર્ટલિસ્ટ કરવામાં આવ્યા હતા, જેના પર તમામ ટીમો ઘણો ખર્ચ કર્યો હતો. હરાજીની શરૂઆતમાં જ ઇંગ્લિશ બેટ્સમેન હેરી બ્રુકને સનરાઇઝર્સ હૈદરાબાદે 13.25 કરોડ રૂપિયામાં ખરીદ્યો હતો. આ સાથે મયંક અગ્રવાલની પણ લોટરી લાગી હતી. સનરાઇઝર્સે હૈદરાબાદે 8.25 કરોડની કિંમતમાં મયંકને પોતાની સાથે જોડ્યો હતો. 

273 ભારતીય ખેલાડીઓ હતા જ્યારે 131 ખેલાડીઓ વિદેશી
જણાવી દઈએ કે હરાજીમાં સામેલ 405 ખેલાડીઓમાંથી 273 ભારતીય ખેલાડીઓ હતા જ્યારે 131 ખેલાડીઓ વિદેશી હતા.આ હરાજીમાં વધુમાં વધુ 87 સ્લોટ ઉપલબ્ધ હતા.નિયમ મુજબ   87 ખેલાડીઓમાંથી વધુમાં વધુ 30 વિદેશી ખેલાડીઓને ખરીદી શકતા હતા.પહેલા 86 ખેલાડીઓના નામ એક પછી એક હરાજી માટે મૂકવામાં આવ્યા હતા અને એ પછી   હરાજીની પ્રક્રિયા ઝડપી શરૂ થઈ હતી.

વિલિયમસનને ગુજરાત ટાઈટન્સે ખરીદ્યો 
જો કે આ સિઝનમાં ન્યુઝીલેન્ડના દિગ્ગજ બેટ્સમેન અને કેપ્ટન કેન વિલિયમસનની સ્થિતિ એવી જ કઇંક જણાતી હતી પણ નસીબે તેનો સાથ આપ્યો. જણાવી દઈએ કે કિવી દિગ્ગજ ખેલાડીને આઈપીએલની ગત સિઝન બાદ સનરાઇઝર્સ હૈદરાબાદમાંથી મુક્ત થયા બાદ હવે આ સિઝનમાં એમને નવી ટીમ મળી છે. જણાવી દઈએ કે વિલિયમસનને ગુજરાતે તેને તેની મૂળ કિંમત બે કરોડમાં ખરીદી લીધો છે.