ઇલેક્શન 2022 / ચૂંટણી પહેલા PM મોદીની ગુજરાતમાં પુન:પધરામણી, આ બે દિવસ સૌરાષ્ટ્ર અને દ.ગુજરાતના આ વિસ્તારોને ધમરોળશે

• 19મીથી 2 દિવસ PM મોદી ગુજરાતના પ્રવાસે
• PM મોદી 19મીએ વાપીમાં રોડ શો યોજશે 
• 20મીએ PM મોદી સૌરાષ્ટ્રમાં ચાર સભાને ગજવશે 

ગુજરાતમા વિધાનસભાની ચૂંટણીને લઈ રાજકીય પહલ-ચહલ તેજ થઈ છે. ઉમેદવારોના નામ જાહેર થતાં પ્રચારનું કામ ધમધોકાર શરૂ થવા જઈ કહ્યું છે. ભાજપ, કોંગ્રેસ અને આમ આદમી પાર્ટી પ્રચારમાં કોઈ કસર છોડવા માંગતા નથી. ચૂંટણીને લઈ ભાજપ, કોંગ્રેસે 40-40 સ્ટાર પ્રચારકો નીમ્યા છે. આ બધાની વચ્ચે વડાપ્રધામ મોદી બે દિવસ ગુજરાતના પ્રવાસે આવી રહ્યાં છે. પીએમ મોદી 19 નવેમ્બરે ગુજરાતના પ્રવાસે આવશે. જે પ્રવાસ દરમિયાન તેઓ મતદાનના પહેલા ચરણમાં આવતા ઝોન સૌરાષ્ટ્ર અને દક્ષિણ ગુજરાતમાં રેલી અને જનસભાને સંબોધશે. 

19 નવેમ્બરે PM આવશે ગુજરાત
વિધાનસભાની ચૂંટણીના નગારે ઘા વાગી ગયા છે ત્યારે પીએમ મોદી બે દિવસ ગુજરાતમાં પ્રચાર અર્થે ગુજરાત આવશે. વડાપ્રધાન 19 નવેમ્બરે વાપીમાં રોડ શો કરશે. તેમજ વલસાડમાં જનસભાને પણ સંબોધન કરશે. તેમજ 20 નવેમ્બરે તેઓ ચાર જનસભાને સંબોધશે. જેમાં સૌરાષ્ટ્ર ઝોનના વેરવાળ, ધોરાજી, અમરેલી અને બોટાદમાં જનસભાને સંબોધશે. 

• 19 નવેમ્બરે PM આવશે ગુજરાત
• બે દિવસના પ્રવાસે આવશે PM મોદી
• 19 નવેમ્બરે PM મોદી કરશે વાપીમાં રોડ શો
• વલસાડમાં PM મોદી કરશે જનસભાને સંબોધન
• 20 નવેમ્બરે પ્રધાનમંત્રી મોદી કરશે ચાર જનસભા
• સૌરાષ્ટ્રમા પ્રધાનમંત્રી મોદી કરશે 4 જનસભાનું સંબોધન
• વેરાવળ, ધોરાજી, અમરેલી અને બોટાદમાં PM સભા કરશે

કેન્દ્રીય ગૃહ મંત્રી અમિત શાહ ગુજરાતમાં
 કેન્દ્રીય ગૃહ મંત્રી અમિત શાહ નારણપુરા વિધાનસભાના ઉમેદવાર જીતેન્દ્ર પટેલ (ભગત)ના નારણપુરા સ્થિત મધ્યસ્થ કાર્યાલય ખાતે પહોંચ્યા હતા. જ્યાં મોટી સંખ્યામાં ભાજપના કાર્યકર્તાઓ હાજર હતા. કેન્દ્રીય ગૃહમંત્રીએ જીતેન્દ્ર પટેલને જીતાડવા માટે કાર્યકર્તાઓને માર્ગદર્શન આપ્યું હતું. 

ગુજરાતમાં ત્રીજો પક્ષ ક્યારેય ફાવ્યો નથીઃ અમિત શાહ
આ ઉપરાંત આજે કેન્દ્રીય ગૃહ મંત્રી અમદાવાદની એલિસબ્રિજ વિધાનસભાના ભાજપના ઉમેદવાર સાથે રેલી યોજી ફોર્મ ભરવા પહોંચ્યા હતા. ફોર્મ ભર્યા પહેલાં અમિત શાહએ પત્રકારોને જણાવ્યું હતું કે, 'અલિસબ્રિજ ભાજપનો ગઢ છે. એલિસબ્રિજ વિધાનસભામાં ભાજપની થશે જીત.' સાથે જ આમ આદમી પાર્ટી પર પ્રહાર કરતા તેઓએ જણાવ્યું હતું કે,  ગુજરાતમાં ભાજપ અને કોંગ્રેસ વચ્ચે જ સીધી ટક્કર છે. ગુજરાતમાં ત્રીજો પક્ષ ક્યારેય ફાવ્યો નથી.