જન્મજયંતિ / પૂર્વ PM રાજીવ ગાંધીને પ્રધાનમંત્રી મોદીએ અર્પી શ્રદ્ધાંજલિ, રાહુલે સોશિયલ મીડિયા પર શેર કર્યો ભાવુક VIDEO

Priyakant

Last Updated: 10:14 AM, 20 August 2022

FOLLOW ON

શેર કરો

કોંગ્રેસે ટ્વિટ કરી કહ્યું: અમે ભારતના પૂર્વ વડાપ્રધાન રાજીવ ગાંધીજીને તેમની જન્મજયંતિ પર સલામ કરીએ છીએ

દેશના પૂર્વ વડાપ્રધાન રાજીવ ગાંધીની 78મી જન્મજયંતિ
રાહુલ અને પ્રિયંકા ગાંધીએ સ્મારક સ્થળ વીર ભૂમિ ખાતે તેમને શ્રદ્ધાંજલિ આપી
રાહુલ ગાંધીએ ટ્વિટર પર એક ઈમોશનલ વિડિયો શેર કર્યો
પાપા, તમે દરેક ક્ષણે મારી સાથે છો, મારા દિલમાં: રાહુલ ગાંધી

આજે દેશના પૂર્વ વડાપ્રધાન અને કોંગ્રેસના દિવંગત નેતા રાજીવ ગાંધીની 78મી જન્મજયંતિ છે. આ પ્રસંગે રાહુલ ગાંધી અને પ્રિયંકા ગાંધીએ તેમના સ્મારક સ્થળ વીર ભૂમિ ખાતે તેમને શ્રદ્ધાંજલિ આપી હતી. આ દરમ્યાન કોંગ્રેસના નેતા કેસી વેણુગોપાલ, મલ્લિકાર્જુન ખડગે અને અન્ય નેતાઓ પણ હાજર હતા. આ તરફ વડાપ્રધાન નરેન્દ્ર મોદીએ પણ રાજીવ ગાંધીને તેમની જન્મજયંતિ પર શ્રદ્ધાંજલિ આપી હતી.

રાહુલ ગાંધીએ પિતાને ખાસ રીતે યાદ કર્યા

રાજીવ ગાંધીની જન્મજયંતિ પર રાહુલ ગાંધીએ તેમના પિતાને ખાસ રીતે યાદ કર્યા. તેમણે ટ્વિટર પર એક ઈમોશનલ વિડિયો શેર કર્યો અને લખ્યું, "પાપા, તમે દરેક ક્ષણે મારી સાથે છો, મારા દિલમાં. હું હંમેશા તમે દેશ માટે જે સપનું જોયું હતું તે પૂર્ણ કરવાનો પ્રયાસ કરીશ."

पापा, आप हर पल मेरे साथ, मेरे दिल में हैं। मैं हमेशा प्रयास करूंगा कि देश के लिए जो सपना आपने देखा, उसे पूरा कर सकूं। pic.twitter.com/578m1vY2tT
— Rahul Gandhi (@RahulGandhi) August 20, 2022

આ સિવાય કોંગ્રેસે પોતાના ટ્વિટર હેન્ડલ પર લખ્યું, 'અમે ભારતના પૂર્વ વડાપ્રધાન રાજીવ ગાંધીજીને તેમની જન્મજયંતિ પર સલામ કરીએ છીએ. 21મી સદીના ભારતના આર્કિટેક્ટ તરીકેનું તેમનું વિઝન હતું જેણે ભારતમાં IT અને ટેલિકોમ્યુનિકેશન ક્રાંતિની શરૂઆત કરી. આજે આપણે તેમનો વારસો ઉજવીએ છીએ.

We fondly remember former Prime Minister of India, Rajiv Gandhi, on his birth anniversary. Hailed as the "architect of 21st century India", it was through his farsighted vision that ushered in the IT & telecom revolution in India. Today, we celebrate his legacy. pic.twitter.com/yO11wjicap
— Congress (@INCIndia) August 20, 2022

પીએમ મોદીએ પણ શ્રદ્ધાંજલિ આપી હતી

વડાપ્રધાન નરેન્દ્ર મોદીએ પણ રાજીવ ગાંધીને તેમની જન્મજયંતિ પર શ્રદ્ધાંજલિ આપી હતી. પીએમ મોદીએ પોતાના ટ્વિટર હેન્ડલ પર લખ્યું, હું દેશના પૂર્વ વડાપ્રધાન રાજીવ ગાંધીને તેમની જન્મજયંતિ પર શ્રદ્ધાંજલિ અર્પણ કરું છું.