કામની વાત / વોશિંગ મશીનના ડ્રાયરમાં નાંખી દો આ 1 ચીજ, કપડાંને પ્રેસ કરવાની નહીં પડે જરૂર

જ્યારે પણ તમે મશીનમાં કપડાં ધોઈ લો અને તેને ડ્રાયરમાં સૂકવવા માટે નાંખો ત્યારે કપડાંની સાથે તેમાં બરફના 3-4 ટુકડાં નાંખી દો. તેનાથી કપડાંને ડ્રાયરમાં સૂકવવા છતાં તેમાં કરચલી નહીં પડે. અને સાથે તમારે આ કપડાંને પ્રેસ કરવાની ઝંઝટ પણ નહીં રહે. તમે વિચારશો કે સૂકવવાના કપડાંની સાથે બરફ નાંખો તો તે ભીના થઈ જાય. પણ તેની પાછળ એક વૈજ્ઞાનિક કારણ પણ છે. 

વૈજ્ઞાનિક કારણ એ છે કે જ્યારે કપડાંને ડ્રાય કરવામાં આવે છે ત્યારે તેની અંદર રહેલી પાણી વરાળમાં ફેરવાઈ જાય છે. આથી જ જો તેની અંદર બરફના ટુકડા ઉમેરી દેવામાં આવે તો તેના કારણે બરફના ટુકડા ઓગળીને સીધા જ વરાળમાં પરિવર્તિત થઈ જાય છે. જેથી કરીને કપડાંની અંદર કુદરતી રીતે જ આ વરાળ પ્રસરી જાય છે. આ કારણે કપડાંની બધી જ કરચલીઓ દૂર થઈ જાય છે.

હવેથી રોજ તમે પણ વોશિંગ મશીનના ડ્રાયરમાં કપડાં સૂકવતી સમયે બરફના ત્રણથી ચાર ટુકડા ઉમેરી લો. તમારા કપડાંને કરચલીઓ નહીં પડે અને તમને ઈસ્ત્રીની ઝંઝટમાંથી પણ મુક્તિ મળશે. ખાસ ધ્યાન રાખવું કે વોશિંગ મશીનની અંદર માત્ર ત્રણથી ચાર બરફના ટુકડા જ ઉમેરવા. જો તમે વધારે પ્રમાણમાં બરફના ટુકડા ઉમેરી દેશો તો કપડાંની કરચલીઓ ભાગશે નહીં. એમની એમ જ રહેશે.