કાયદો / 69 વર્ષ બાદ PM મોદી પંડિત નેહરુ જેવી ભૂલ કરવા જઈ રહ્યાં છે : ઈતિહાસકારનો દાવો

• BJP ધારાસભ્યના ઇતિહાસકાર પુત્રે દેશદ્રોહના કાયદા પર મોદી સરકારને આડે હાથ લીધી
• ત્રિપુરદમન સિંહે કહ્યું, PM મોદી દેશદ્રોહ કાયદાનું સમર્થન કરી પૂર્વ પીએમ નેહરૂની ભૂલ રિપીટ કરી રહ્યા છે
• ત્રિપુરદમન સિંહ ઉત્તર પ્રદેશના બાહ વિધાનસભા ક્ષેત્રના બીજેપી ધારાસભ્ય રાણી પક્ષાલિકા સિંહના પુત્ર છે

તેઓએ કહ્યું છે કે લોકસભા ચૂંટણી 2019થી પહેલા કેન્દ્રીય મંત્રી રાજનાથ સિંહે કહ્યું હતું કે મોદી સરકારના બીજીવાર સત્તામાં આવવા પર રાજદ્રોહ કાયદાને વધારે કડક બનાવવામાં આવશે પરંતુ મને લાગે છે કે આ 'ભૂલ' સાબિત થશે. 

ત્રિપુરદમન સિંહે કહ્યું કે બંધારણ સભાએ 1950માં બંધારણના મૂળ સંસ્કરણમાં બ્રિટિશ યુગના દેશદ્રોહ કાયદાને સામેલ કરવામાં આવ્યો નહોતો. પરંતુ ત્યાર પછીના વર્ષે નેહરૂ સરકારે બંધારણમાં સંશોધન કરી રાજદ્રોહને બંધારણમાં સામેલ કર્યો હતો. સિંહનું પુસ્તક '16 સ્ટૉર્મી ડેજ' માં 1951માં નાટકીય રૂપથી એ 16 દિવસના સમયનો ઉલ્લેખ કરવામાં આવ્યો છે જ્યારે નેહરૂએ વ્યક્તિગત રૂપે આ સંશોધનને પસાર કરાવ્યો હતો. 

ત્રિપુરદમન સિંહે હફિન્ગટન પોસ્ટ ઇન્ડિયાને આપેલા ઇન્ટરવ્યૂ દરમિયાન આ વાત કહી છે. તેઓએ કહ્યું 'તેઓ દેશદ્રોહ માટે વધારે કડક કાયદો બનાવવા ઇચ્છી રહ્યા છે, પરંતુ શું આ બંધારણીય સિદ્ધાંતોના નિર્ધારિત માપદંડને પૂર્ણ કરશે. મારુ માનવું છે કે આવી સ્થિતિમાં આ સ્પષ્ટ રૂપે સુપ્રીમ કોર્ટે જોવુ પડશે. પરંતુ તેઓએ આ માટે બંધારણમાં સંશોધન ન કરીને આઇપીસી માં સંશોધન કરવુ પડશે, જે આપ જાણો છો કે બંધારણીય સંશોધનથી ઘણી સરળ પ્રક્રિયા છે. જો તેઓ વધારે કઠોર રાજદ્રોહ કાયદો બનાવવા પર વિચાર કરી રહ્યા છે તો મને લાગે છે કે આ એક ભૂલ ગણાશે. 

નોંધનીય છે કે, આઇપીસીની કલમ 124A હેઠળ લેખિત અથવા મૌખિક શબ્દો, ચિન્હો, પ્રત્યક્ષ અથવા અપ્રત્યક્ષ રીતે નફરત ફેલાવવી અથવા અસંતોષ જાહેર કરવા પર દેશદ્રોહનો મામલો નોંધવામાં આવી શકે છે.