- PM મોદી આવી પહોંચ્યા ગુજરાત
- આવતીકાલે ઉપસ્થિત રહેશે શપથગ્રહણ સમારંભમાં
- ભૂપેન્દ્ર પટેલના મંત્રી મંડળના આવતીકાલે શપથગ્રહણ
- કેન્દ્રીય ગૃહમંત્રી અમિત શાહ ગુજરાતના પ્રવાસે
- ભાજપના રાષ્ટ્રીય અધ્યક્ષ જે.પી નડ્ડા ગુજરાતમાં
ગુજરાતમાં જનતાનો વિશ્વાસ જીતી ભાજપે ભવ્ય જીત મેળવી છે. આવતીકાલે ભૂપેન્દ્ર પટેલ અને તેમના મંત્રીમંડળના શપથ લેવાના છે. જેમાં PM મોદી, રાજનાથ સિંહ, અમિત શાહ અને જેપી નડ્ડા સહિત ભાજપ શાસિત રાજ્યોના સીએમ પણ હાજર રહેશે. જેને લઈ PM મોદી આજે જ ગુજરાત આવી પહોંચ્યા છે. જેઓ એરપોર્ટથી રાજભવન જવા રવાના થયા હતા જ્યાં લોકોના ટોળા ઉમટી પડ્યાં હતાં.
PM મોદી આવી પહોંચ્યા ગુજરાત
વડાપ્રધાન મોદી અમદાવદ એરપોર્ટસ પર આવી પહોંચ્યા છે. જેઓ રાજભવન ખાતે રાત્રી રોકાણ કકરશે. જે બાદ આવતીકાલે બપોરે PM મોદી નવી સરકારની શપથવિધિમાં સામેલ થશે. ઉલ્લેખનીય છે કે, અગાઉ પ્રધાનમંત્રી સોમવારે ગુજરાતના પ્રવાસે આવાના હતા. આ દરમિયાન પ્રધાનમંત્રી મોદી અમદાવાદ એરપોર્ટથી શપથગ્રહણના સ્થળ સુધી રોડ-શૉ પણ કરવાના હતા. જોકે, તેમના કાર્યક્રમમાં ફેરફાર થયો હતો અને તેઓ આજે અમદાવાદ આવી પહોંચ્યા છે. મોટી સંખ્યામાં લોકોએ મોદી મોદીથી નારાથી તેમને વધાવ્યા હતાં
અમિત શાહ અને જે.પી નડ્ડ ગુજરાત પણ ગુજરાતમાં
શપથગ્રહણને લઈ અમદાવાદ એરપોર્ટ પર VVIPઓનો ધસારો આજથી જ વધ્યો છે. કેન્દ્રીય ગૃહમંત્રી અમિત શાહ અને ભાજપના રાષ્ટ્રીય અધ્યક્ષ જે.પી નડ્ડા પણ અમદાવાદ આવી ગયા છે. જેમનું CM ભુપેન્દ્ર પટેલ એરપોર્ટ ખાતે સ્વાગત કર્યું હતું, સી.આર પાટીલ અને હર્ષ સંઘવી, પ્રદીપસિંહ વાઘેલા અને જગદીશ વિશ્વકર્મા પણ હાજર રહ્યાં હતાં.
ભૂપેન્દ્ર પટેલના મંત્રી મંડળના આવતીકાલે શપથગ્રહણ
રાજ્યના મુખ્યમંત્રી તરીકે ભૂપેન્દ્ર પટેલ અને તેમના નવા મંત્રી મંડળ આવતીકાલે શપથ લેશે. તેઓ ગાંધીનગરમાં હેલિપેડ ગ્રાઉન્ડ ખાતે બપોરે 12-00 વાગ્યે શપથગ્રહણ કરશે. જોકે, અહી નોંધનીય બાબત એ છે કે, આવતીકાલે જ ભૂપેન્દ્ર પટેલ અને તેમના મંત્રીમંડળના તમામ સભ્યો સાથે જ શપથગ્રહણ કરશે.
ભાજપશાસિત રાજ્યોના મુખ્યમંત્રીઓને પણ અપાયું આમંત્રણ
આ શપથગ્રહણ સમારોહમાં વડાપ્રધાન નરેન્દ્ર મોદી અને કેન્દ્રીય ગૃહમંત્રી અમિત શાહ અને રાજનાથ સિંહ પણ હાજર રહેવાના છે તેમજ પ્રદેશ ભાજપ દ્વારા પરસોત્તમ રૂપાલા, સ્મૃતિ ઇરાની, નીતિન ગડકરી, મનસુખ મંડવીયા સહિતના કેન્દ્રીય મંત્રીઓને આમંત્રણ આપવામાં આવ્યું છે. સાથે જ સમારોહમાં ભાજપશાસિત રાજ્યોના મુખ્યમંત્રીઓ નાયબ મુખ્યમંત્રીઓને પણ આમંત્રણ આપવામાં આવ્યું છે. નવી સરકારના શપથગ્રહણ સમારોહ માટે ઉત્તર પ્રદેશના મુખ્યમંત્રી યોગી આદિત્યનાથ, મહારાષ્ટ્રના મુખ્યમંત્રી એકનાથ શિંદે, નાયબ મુખ્યમંત્રી દેવેન્દ્ર ફડણવીશ, ગોવાના મુખ્યમંત્રી પ્રમોદ સાવંત, મધ્યપ્રદેશના મુખ્યમંત્રી શિવરાજસિંહ ચૌહાણ, હરિયાણાના મુખ્યમંત્રી મનોહરલાલ ખટ્ટર, ઉત્તરાખંડના મુખ્યમંત્રી પુષ્કરસિંહ ધામી અને કર્ણાટકના મુખ્યમંત્રી બસવરાજ બોમ્મઈને આમંત્રણ આપવામાં આવ્યું છે.
