નુકસાનીનું નિરીક્ષણ / વડાપ્રધાન મોદીએ હિમાચલ પ્રદેશનું હવાઈ સર્વેક્ષણ કર્યું, 1500 કરોડની સહાયની જાહેરાત

વડાપ્રધાન નરેન્દ્ર મોદીએ મંગળવારે આ ચોમાસામાં પૂર, ભૂસ્ખલન અને અવિરત વરસાદથી ખરાબ રીતે પ્રભાવિત એવા હિમાચલ પ્રદેશના મંડી અને કુલ્લુના અસરગ્રસ્ત વિસ્તારોનો હવાઈ સર્વે કર્યો હતો. પ્રધાનમંત્રીએ પૂરગ્રસ્ત રાજ્ય માટે ₹1,500 કરોડની સહાયની જાહેર કરી હતી.

તેમણે X પરની એક પોસ્ટમાં લખ્યું, ' હિમાચલ પ્રદેશમાં પૂર અને ભૂસ્ખલનથી થયેલા નુકસાનનું મૂલ્યાંકન કરવા માટે હવાઈ સર્વેક્ષણ કર્યું . આ મુશ્કેલ સમયમાં અમે લોકોની સાથે મજબૂતીથી ઉભા છીએ અને અસરગ્રસ્ત લોકોને સતત સહાય મળે તે સુનિશ્ચિત કરવા માટે તમામ પ્રયાસો કરવામાં આવી રહ્યા છે.'

પ્રધાનમંત્રી કિસાન સન્માન નિધિનો બીજો હપ્તો અગાઉથી જ મળી જશે

હિમાચલ પ્રદેશને ₹1,500 કરોડની નાણાકીય સહાયની સાથે, કેન્દ્ર સરકારની SDRF અને પ્રધાનમંત્રી કિસાન સન્માન નિધિનો બીજો હપ્તો પણ અગાઉથી જારી કરવામાં આવશે. પ્રધાનમંત્રીએ સમગ્ર પ્રદેશ અને લોકોને પાટા પર પાછા લાવવા માટે બહુપક્ષીય અભિગમ અપનાવવા હાકલ કરી.

રાષ્ટ્રીય ધોરીમાર્ગોનું સમારકામ કરવામાં આવશે

હિમાચલ પ્રદેશમાં ભૂસ્ખલન અને અચાનક પૂરને કારણે નુકસાન પામેલા લોકોના ઘરોનું નિર્માણ પ્રધાનમંત્રી આવાસ યોજના હેઠળ કરવામાં આવશે. રાષ્ટ્રીય ધોરીમાર્ગોનું સમારકામ કરવામાં આવશે, શાળાઓનું નિર્માણ કરવામાં આવશે. આ સાથે, આપત્તિગ્રસ્ત લોકોને પ્રધાનમંત્રી રાષ્ટ્રીય રાહત ભંડોળ હેઠળ પણ મદદ મળશે. પશુધન માટે મીની કીટ આપવામાં આવશે.

ક્ષતિગ્રસ્ત ઘરોનું જીઓટેગિંગ કરવામાં આવશે

ખાસ કરીને એવા ખેડૂતોને વધારાની સહાય પૂરી પાડવામાં આવશે જેમની પાસે હાલમાં વીજળી કનેક્શન નથી. પ્રધાનમંત્રી આવાસ યોજના હેઠળ, ક્ષતિગ્રસ્ત ઘરોનું જીઓટેગિંગ કરવામાં આવશે. આનાથી નુકસાનનું સચોટ મૂલ્યાંકન કરવામાં અને અસરગ્રસ્ત લોકોને ઝડપથી સહાય પહોંચાડવામાં મદદ મળશે. કેન્દ્ર સરકારે નુકસાનનું મૂલ્યાંકન કરવા માટે વિવિધ મંત્રાલયોની એક ટીમ પહેલાથી જ હિમાચલ પ્રદેશ મોકલી છે. આ ટીમ દ્વારા રજૂ કરાયેલા વિગતવાર અહેવાલના આધારે, કેન્દ્ર સરકાર હિમાચલ પ્રદેશ માટે વધુ સહાય પર વિચાર કરશે.

આ પણ વાંચોઃ 4 જ દિવસમાં કેમ ખતમ થઇ ગયું 'ઓપરેશન સિંદૂર'? સળગતા સવાલ પર આર્મી ચીફનો ધારદાર જવાબ

4,122 કરોડ રૂપિયાથી વધુનું નુકસાન

હિમાચલ પ્રદેશમાં 20 જૂનથી 8 સપ્ટેમ્બર દરમિયાન ભારે વરસાદ, વાદળ ફાટવા, અચાનક પૂર અને ભૂસ્ખલનના કારણે 4,122 કરોડ રૂપિયાથી વધુનું નુકસાન થયું છે. સ્ટેટ ડિઝાસ્ટર મેનેજમેન્ટ ઓથોરિટી (SDMA) અને સ્ટેટ ઇમરજન્સી ઓપરેશન સેન્ટર (SEOC) અનુસાર, રાજ્યમાં 370 થી વધુ લોકોના મોત થયા છે, જેમાંથી 205 લોકોના મોત વરસાદ સંબંધિત ઘટનાઓમાં થયા છે, જેમાં 43 લોકો ભૂસ્ખલનમાં, 17 લોકો વાદળ ફાટવાથી અને 9 લોકો પૂરમાં મૃત્યુ પામ્યા છે.

આ પહાડી રાજ્યમાં માર્ગ અકસ્માતોમાં ૧૬૫ લોકોનાં મોત થયા છે. આ ઉપરાંત, ૪૧ લોકો હજુ પણ ગુમ છે. હિમાચલ પ્રદેશમાં ભારે વરસાદને કારણે માળખાગત સુવિધાઓને પણ વ્યાપક નુકસાન થયું છે, જેના કારણે ૬,૩૪૪ ઘરો, ૪૬૧ દુકાનો અને વ્યવસાયિક સંસ્થાઓને અસર થઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ