ભણતરનું ઘેલું / ગુજરાતની આ શાળાએ એક મોર જે રોજ વિદ્યાર્થી બનીને ભણવા આવે છે, રજા પડે એટલે જતો રહે છે

• મહુવા તાલુકાના કુંકણા ડુંગરી ગામની પ્રાથમિક શાળામાં આવે છે આ મોર
• 'આ મોર રમે છે, જમે છે અને ભણે પણ છે': વિદ્યાર્થીઓ
• આ મોરને ઢેલ મુકીને જતી રહેતા હેમંતભાઇએ કર્યો હતો ઉછેર

આપનું રાષ્ટ્રીય પક્ષી 'મોર'. એમ તો મોરની સોળ કળા જગતમાં વિખ્યાત છે અને મોર જેટલું સુંદર પક્ષી કદાચ દુનિયામાં કોઈ નથી. પરંતુ આજે અમે તમને એવા એક મોરને બતાવવા લઇ જઈ રહ્યા છીએ જે શાળાએ જાય છે. આ મોર નું નામ છે "ટપુ". સુરતના મહુવા તાલુકાના કુંકણા ડુંગરી ગામની પ્રાથમિક શાળાનો વિદ્યાર્થી કહીએ તો કંઈ ખોટું નથી. કેમકે છેલ્લા ૧૫ મહિનાથી આ મોર અહિંયા નિયમિત જાણે અભ્યાસ કરવા આવતો એમ આવે છે. શાળામાં વિદ્યાર્થીઓ સાથે બેસે, રમે અને સમયે જમે પણ છે. મોર શાળા અને શાળાના શિક્ષકો અને વિદ્યાર્થીઓ સાથે એટલો પરિચિત થઇ ગયો છે કે જાણે માનવીનું બાળક હોઈ, નથી કોઈની બીક કે નથી કઈ અજુગતું લાગતું. સરસ્વતીનું વાહન જાણે ખુદ સરસ્વતીના મંદિર એવા શાળામાં શિક્ષા લેવા આવતું હોઈ.

'આ મોર રમે છે, જમે છે અને ભણે પણ છે'

છેલ્લા ૧૨ મહિનાથી ટપુ નિત્યક્ર્મે શાળાએ આવી જાય છે. શાળાનો સમય સમાપ્ત થાય એટલે ફરી એની જગ્યા પર જતો રહે છે. શાળામાં ટપુ તમામ વિદ્યાર્થીઓનો મિત્ર બની ગયો છે. વિદ્યાર્થીઓ સાથે હોશે હોશે રમે છે, વિધાર્થીઓ સાથે જમવા પણ બેસે છે અને ભણવાના સમયે વર્ગ ખંડમાં જાણે વિધાર્થી ભણવા બેઠા હોઈ એમ સાથે જમીન પર ભણવા પણ બેસે છે. વિધાર્થીઓને પણ છેલ્લા ૧૨ મહિનાથી આ નવા મહેમાન સાથે ભણવાની મઝા પડી રહી છે અને આ મોરને પણ જાણે તમામ સાથે મૈત્રી થઇ ગઈ છે.

આ મોરને ઢેલ મુકીને જતી રહેતા હેમંતભાઇએ કર્યો હતો ઉછેર

કુકણા ડુંગરી ગામમાં અનેક મોર અને ઢેલ વસવાટ કરી રહ્યા છે જે પેકી એક ઢેલએ ૧૫ મહિના પહેલા શાળાની બાજુમાં રહેતા હેમંતભાઈના ઘરના ધાબા પર ઈંડા મુક્યા હતા અને સમય જતા મોરના બચ્ચા પણ આવ્યા હતા. થોડા દિવસ બાદ તમામ બચ્ચા અને ઢેલ ત્યાંથી જતા રહ્યા પણ આ ટપુ ત્યાં જ રહી ગયો અને ત્યારબાદ હેમંતભાઈ દ્વારા એની કાળજી લેવામાં આવી હતી. જોકે બાજુમાં જ શાળાના નાના નાના ભૂલકાઓને જોઈ આ નાનો મોર પણ ત્યાં રમવા આવા માંડ્યો અને અને ત્યારબાદ જાણે નિત્ય કર્મ બની ગયો. બાળકો શાળામાં આવે અને પાછા જાય ત્યાં સુધી બાળકો સાથે જ રેહવા લાગ્યો, બાળકોને પણ આ મોર સાથે દોસ્તી થઇ ગઈ અને તેનું નામ પણ ટપુ રાખી લીધું.