ભારે કરી ! / 'કાચા બદામ'નું આવ્યું 'રમઝાન' વર્ઝન, એવું ગાયું કે બરાબરનો ફંસાયો પાકિસ્તાની કલાકાર, જુઓ લોકોએ શું કહ્યું

• પાકિસ્તાની કલાકારે કચ્ચા બાદામ ગીતનુ રમઝાન વર્ઝન ગાયુ
• પાકિસ્તાની કલાકારનો દાવ ઉલ્ટો પડ્યો, લોકોએ કર્યો ટ્રોલ
• યાસિર સોહરવર્દીએ આ ગીતને તેની યુટ્યુબ ચેનલ પર અપલોડ કર્યુ 

કચ્ચા બાદામનુ રમઝાન વર્ઝન

શું આમ, શું ખાસ! દરેક વ્યક્તિ કચ્ચા બાદામ ગીત પર રીલ્સ બનાવીને ઈન્સ્ટાગ્રામ પર પોસ્ટ કરી રહ્યું છે અને યુઝર્સ ખૂબ વ્યુજ મેળવી રહ્યાં છે. આ ગીતને ગાનાર બંગાળી મગફળી વિક્રેતા ભુબન બડ્યાકર રાતોરાત લોકપ્રિય થઇ ગયા છે. હવે આ ગીત પાકિસ્તાનમાં પણ છવાયુ છે. ખરેખર, આપણા પાડોશી દેશ પાકિસ્તાનમાં કચ્ચા બાદામ ગીતનુ રમઝાન વર્ઝન સામે આવ્યું છે. એક પાકિસ્તાની કલાકારે આ ગીતનુ રમઝાન વર્ઝન બનાવીને ભુબન જેવી લોકપ્રિયતા મળે તેવુ વિચાર્યુ. જો કે, તેનો આ દાવ ઉલ્ટી પડી ગયો અને સોશિયલ મીડિયામાં યુઝર્સે તેને ખૂબ ટ્રોલ કર્યો. કચ્ચા બાદામના આ રીમિક્સ વર્ઝનને પાકિસ્તાનમાં વિચિત્ર વાયરલ વીડિયો માટે લોકપ્રિય યુટ્યુબર યાસિર સોહરવર્દીએ ગાયુ છે. 

Ramzan song in kacha badam tune🥲
Cringe is beautiful https://t.co/q7kEngkRW4

— mister shah (@beeing_shah) April 8, 2022

ગીતનું શીર્ષક 'રોજા રખૂંગા'

યાસિર સોહરવર્દીએ આ ગીતને તેની યુટ્યુબ ચેનલ પર અપલોડ કર્યુ છે. આ ગીતમાં બિલાડી અને પક્ષીની ધૂન વગાડતો જોવા મળી રહ્યો છે. તેણે કચ્ચા બાદામના રમઝાન વર્ઝનને ભલે મનથી ગાયુ હોય. પરંતુ ઈન્ટરનેટ યુઝર્સને આ ગીત બિલ્કુલ પસંદ નથી. ત્યારબાદ યુઝર્સે યાસિર સોહરવર્દીને ટ્વિટર પર ટ્રોલ કરવાનુ શરૂ કર્યુ. યાસિરે આ ગીતનુ શીર્ષક રોજા રખુંગા રાખ્યું છે. અમુક લોકોએ યાસિરને આ ગીત માટે તેના વખાણ પણ કર્યા છે. જ્યારે મોટાભાગના લોકોએ ગીતમાં પ્રાણીઓની અવાજની નકલ કરવા માટે યાસિરની મજાક ઉડાવી છે.