રાહત / કોરોના વાયરસમાં ઓક્સફર્ડ યુનિવર્સિટીને મળી વધુ એક મોટી સફળતા, હવે ફક્ત આટલી મિનિટમાં મળશે પરિણામ

• ઓક્સફોર્ડ યુનિવર્સિટીને એન્ટિબોડી કિટ બનાવવામાં મળી મોટી સફળતા
• માત્ર 20 મિનિટમાં પરિણામ આપશે આ કિટ
• ટ્રાયલમાં 98.6 % પરિણામ મળ્યું

મળતી માહિતી અનુસાર ઓક્સફર્જની જે એન્ટીબોડી ટેસ્ટને સફળતા મળી છે તેને બ્રિટેનની સરકારનું સમર્થન મળ્યું છે. હવે સરકાર યોજના બનાવી રહી છે કે લાખો એન્ટીબોડી ટેસ્ટ કિટનું વિતરણ પ્રેગનન્સી સ્ટાઈલ ટેસ્ટ કિટની જેમ જ કરવામાં આવે. 

300 લોકો પર કરાયું કિટનું ટ્રાયલ

નવી એન્ટીબોડી ટેસ્ટ કિટથી લોકો ઘરે બેસીને સરળતાથી ટેસ્ટ કરી શકશે. ટ્રાયલમાં ખ્યાલ આવ્યો છે કે એન્ટીબોડી ટેસ્ટ કિટ 98.6 ટકા સાચુ પરિણામ મળી રહે છે. ટેસ્ટ કિટનું ટ્રાયલ લગભગ 300 લોકો પર કરાયું હતું. 

20 મિનિટમાં આપશે રિઝલ્ટ

નવા ટેસ્ટ કિટ લોકોને ઘરે બેઠા 20 મિનિટમાં રિઝલ્ટ આપી દેશે. લોકો જાતે જ જાણી શકશે કે તેઓ કોરોના સંક્રમિત થયા છે કે નહીં. આ પહેલાં બ્રિટનમાં જે એન્ટીબોડી ટેસ્ટ થઈ રહ્યા હતા તેમાં બ્લડ સેમ્મપલને લેબમાં મોકલવામાં આવતા હતા. 

ઓક્સફર્ડ યુનિ.ના પ્રોફેસર સર જૉન બેલે કહ્યું કે આ રેપિડ ટેસ્ટ ખૂબ જ ઉપયોગી રહેશે. રિઝલ્ટ આવતાં પહેલાં લાખો ટેસ્ટ કિટ આ આશામાં તૈયાર કરાઈ છે. સારા પરિણામ આવશે તેવી આશા છે. જલ્દી જ આ કિટને ઔપચારિક મંજૂરી મળશે.