મનોરંજન / રામાયણ જોઇ ગદગદ થયા 'હનુમાન' બનેલા સન્ની દેઓલ, કહ્યું - હોલીવુડ કરતા સારી ફિલ્મ

રામાયણમાં પવનપુત્ર હનુમાનની ભૂમિકા ભજવનાર સન્ની દેઓલે પોતાની ફિલ્મ જોઈ લીધી છે. તેમણે એક વીડિયોમાં પોતાનો અનુભવ શેર કર્યો છે અને દર્શકોને ભાવનાત્મક અપીલ કરી છે.

રણબીર કપૂર, યશ અને સાઈ પલ્લવી સ્ટારર ફિલ્મ 'રામાયણ' સિનેમાઘરોમાં રિલીઝ થઈ છે. પહેલા દિવસે તેની શરૂઆત અપેક્ષા કરતા સારી રહી હતી. જોકે ફિલ્મને મોટાભાગે પોઝિટિવ રિવ્યૂ મળ્યા છે, જેની અસર બાકીના બે દિવસમાં સ્પષ્ટ જોવા મળી છે. રામાયણમાં હનુમાનજીની એક ટૂંકી ઝલક પણ ચાહકોને ખુશ કરી દેતી હતી, અને હવે તે પાત્ર ભજવનાર અભિનેતાએ ફિલ્મ જોયા પછી તેના ચાહકોને અપીલ કરી છે.

View this post on Instagram

A post shared by Sunny Deol (@iamsunnydeol)

ચાહકોને સન્ની દેઓલનો સંદેશ

સન્ની દેઓલે તાજેતરમાં ઇન્સ્ટાગ્રામ પર એક વીડિયો શેર કર્યો છે, જેમાં તે કહે છે કે તેણે તેની ફિલ્મ રામાયણ જોઈ છે અને તેને ખૂબ જ પસંદ આવી છે. તે તેને કોઈપણ હોલીવુડ ફિલ્મ કરતાં વધુ સારી માને છે અને તેના VFX ની ખૂબ પ્રશંસા કરી રહ્યો છે. અભિનેતાએ કહ્યું, "હું હમણાં જ મારી ફિલ્મ રામાયણ જોઈને આવ્યો છું. મને તે ખૂબ ગમી, અને હું ઇચ્છું છું કે દરેક ભારતીય તેને જુએ."

"કારણ કે આ ફિલ્મ કોઈપણ હોલીવુડ ફિલ્મથી ઓછી નથી, હકીકતમાં, હું વધુ સારી કહીશ. VFX એવા છે કે તમને ખ્યાલ પણ નહીં આવે કે તમે તે દુનિયામાં નથી. તે તમને તે સમયગાળામાં લઈ જાય છે, અને દરેક અભિનેતાએ ખૂબ જ સારું કામ કર્યું છે. તેથી, હું તમને વિનંતી કરું છું. હું વિનંતી નથી કરી રહ્યો, હું મારો અધિકાર દાવો કરી રહ્યો છું, કારણ કે ફિલ્મ ખરેખર બહુ સારી છે. જાઓ અને જુઓ. જય શ્રી રામ."

આ પણ વાંચોઃ મનોરંજન / નિતેશ તિવારીની 'રામાયણ'માં મોટો ફેરફાર, ફિલ્મમાંથી કપાયા આ અભિનેતાના દ્રશ્યો

સની દેઓલ ફિલ્મ રામાયણમાં ભગવાન હનુમાનની ભૂમિકા ભજવે છે, અને પ્રથમ ભાગ પૂરો થયા પછી તેમની એક ટૂંકી ઝલક બતાવવામાં આવી હતી. હનુમાન ચાલીસા સાથે તેમનું વિશાળ સ્વરૂપ બતાવવામાં આવ્યું હતું. જોકે, આ સમય દરમિયાન તેમનો ચહેરો છુપાવવામાં આવ્યો હતો જેથી લોકો રામાયણના બીજા ભાગ વિશે ઉત્સુક રહે.

રામાયણનો બીજો ભાગ દિવાળી 2028 ના રિલીઝ થશે, જેમાં અમે હનુમાનજીથી લઇને રાવણ સાથેના યુદ્ધથી કહાની જોઇશું. ચાહકો આની આતુરતાથી રાહ જોઈ રહ્યા છે, કારણ કે સની દેઓલનું પુરુ કામ આ ભાગમાં નજર આવસે. તેનું નિર્માણ નમિત મલ્હોત્રા દ્વારા અને દિગ્દર્શન નિતેશ તિવારી દ્વારા કરવામાં આવ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ