આ..કેવું! / NSE શેર માર્કેટના ટ્વિટર પર અભિનેત્રીની એવી તસવીરો શેર કરાઇ કે થઈ ગયા ટ્રોલ, અંતે માંગી માફી

• NSE ના ટ્વિટર એકાઉન્ટ પર શેર કરવામાં આવી મૌની રૉયની તસવીરો 
• ટ્વિટર પર લોકોએ ખૂબ ટ્રોલ કરતાં પોસ્ટ ડિલીટ કરી માંગી માફી 
• NSE એ લખ્યું, આ એક માનવ ભૂલ, થયેલ અસુવિધા માટે ખેદ છે

નેશનલ સ્ટોક એક્સચેંજ NSE એ તેના ટ્વિટર પરથી બોલિવૂડ અભિનેત્રી મૌની રોયની તસવીરોને શેર કરી દીધી હતી, જો કે આ ટ્વિટ પછીથી ઘણી ટ્રોલ થતાં તેને ડિલીટ કરી નાખવામાં આવી હતી અને NSE એ આ વાતને માનવીય ભૂલ ગણાવી હતી અને લોકો પાસે માફી પણ માંગી હતી. 

NSE ના ટ્વિટર પર શેર થઈ હતી મૌની રોયની તસવીર 

NSE એ શનિવારે બોલિવૂડ અભિનેત્રી મૌની રૉયની એક તસવીર ટવીટ કરી હતી, જેમાં કેપ્શનમાં લખ્યું છે કે, શનિવારના વધતાં જતાં તાપમાનમાં મૌની રૉય ખૂબ જ આકર્ષક દેખાઈ રહી છે. આની સાથે જ  સુંદર દિવા, હોટગર્લ, મૌની રોય હોટ, બોલીવુડ વગેરે જેવા હેશટેગ પણ જોડવામાં આવ્યા હતા. જો કે NSE એ તેને માનવ ભૂલ તરીકે જણાવી હતી અને NSE એ તેના ફોલોવર્સને થતી અસુવિધા બદલ માફી માંગી છે.

આ ટ્વિટમાં NSE એ કહ્યું હતું કે "આજે રાત્રે 12.25 વાગ્યે NSE ના ટ્વિટર હેન્ડલ પર એક અનિચ્છનીય પોસ્ટ મૂકી શેર થઈ હતી, એક્સચેંજે જણાવ્યું હતું. તે એક માનવ ભૂલ હતી અને આ કોઈ હેકિંગ નહોતી. અમારા ફોલોવર્સને થયેલ અસુવિધા બદલ અમે દિલગીર છીએ. જો કે આ ટ્વિટને પણ ટ્વિટર પર ટ્રોલ કરવામાં આવ્યો હતો અને તેની ઘણી ટીકા થઈ હતી.

Today there was an unwanted post on NSE handle at 12:25 p.m. It was a human error made by the agency handling NSE account and there was no hacking. Our sincere apologies to our followers for the inconvenience caused.

— NSEIndia (@NSEIndia) January 9, 2021

NSE એ માંગી માફી 

તેને ટ્વિટર પર ઘણી ટ્રોલ કરવામાં આવી છે. એક યુઝર એ લખ્યું, "જો તમે કરો છો, તો તમે ભૂલ અને અમે કરીએતો દંડ."  વધુમાં એક યુઝરે લખ્યું હતું કે આત્મનિર્ભર બનો અને તમારો ડેટા જાતે મેનેજ કરો. એક યુઝરે તો આ ઘટનાના ટાઈમિંગ વિશે સવાલ પણ ઉઠાવતા કહ્યું કે આ ભૂલ બપોરે થઈ હતી પરંતુ છ કલાક પછી તેને ખબર પડી કે આપણે આટલી મોટી ભૂલ કરી છે.