ચોંકાવનારી ઘટના / 17 વર્ષ બાદ માતા સાથે પુત્રનું મિલન, એક fb પોસ્ટની મહેનત રંગ લાવી, જાણો શું છે દિલચસ્પ કહાની

• 17 વર્ષ પહેલા નોકરી માટે બ્રિટન ગયો હતો શખ્સ 
• ત્યારથી પરિવાર સાથે ન હતો કોઈ સંપર્ક 
• એક ફેસબુક પોસ્ટ દ્વારા ફરી મળ્યો પરિવારને 

કેરળનો એક યુવક 17 વર્ષ પહેલા નોકરીની શોધમાં બ્રિટન ગયો હતો. પરંતુ ત્યારે તેનો પોતાના પરિવાર સાથે કોઈ સંપર્ક ન હતો. નવી દિલ્હીમાં એક એક્ટિવિસ્ટ અને વકીલના કારણે તે પોતાના પરિવારને ફરી મળી ગયો છે. મૂળ રૂપથી તિરૂવનંતપુરમના નગરૂરનો રહેવાસી 37 વર્ષનો આ શખ્સ લંડનમાં ભારતીય ઉચ્ચાયોગથી જાહેર કરેલ ઈમર્જન્સી પ્રામણપત્ર પર 6 જુલાઈએ દિલ્હી પહોંચ્યો હતો. 

10 જુલાઈએ વકીલ દિપા જોસેફ ઈન્ટરનેશનલ ટર્મિનલ પર હાજર હતી. તેમણે કહ્યું એક શખ્સને કેફેટેરિયાના કર્મચારીઓની સાથે ઝગડો કરતા જોવામાં આવ્યા. જેમનું કહેવું હતું કે તેમણે કથિત રીતે પ્રદર્શન માટે મુકેલુ ભોજન ચોરી લીધુ હતું. 

કેરળનો છે શખ્સ 
એક રિપોર્ટ અનુસાર દિપાએ આ ઝગડામાં દખલ કરી અને ભોજનના પૈસા આપ્યા. તેમણે કહ્યું કે "જ્યારે મને ખબર પડી તે આપાતકાલીન પાસપોર્ટ પર ભારત પહોંચ્યા છે. તો મેં તેમની પાસે જાણકારી માંગી. તે કેરળમાં પોતાના પરિવાર વિશે સ્પષ્ટ જવાબ ન હતા આપી શક્યા. તે પરેશાન લાગી રહ્યા હતા. તેની પાસે ફક્ત બે ડોલર અને વગર સિમ કાર્ડ વાળો એક જુનો ફોન હતો."
  
તેમણે જણાવ્યું, "મારો કાર્યક્રમ પહેલાથી જ નક્કી હતો માટે હું તેની મદદ માટે ત્યાં ન રોકાઇ શકી. પરંતુ તેના ફોટો પોતાના ફેસબુક પેજ પર એવી આશા સાથે પોસ્ટ કર્યા કે તેની ઓળખ થઈ શકે."

દીપાની પોસ્ટથી થયુ કામ 
દીપાએ જણાવ્યું, "તે દિવસે સાંજે એક શખ્સે પોતાના એડ્ર્સની સાથે તે વિસ્તારમાં એક પોલીસકર્મીનો સંપર્ક નંબર શેર કર્યો. જ્યારે મેં પોલીસનો સંપર્ક કર્યો. તો તેમણે મન જણાવ્યું કે તેમના માતા પહેલાથી જ સ્ટેશન પહોંચી ચુક્યા હતા. તેણમે મને જણાવ્યું કે ફોટોમાં દેખાતો શખ્સ તેમનો દિકરો છો. જે 17 વર્ષ પહેલા બ્રિટન જતો રહ્યો હતો અને પોતાના પરિવાર સાથે તેનો સંપર્ક તૂટી ગયો હતો." ત્યાર બાદ દીપા દિલ્હીમાં તેની શોધ કરવા નિકળી. 

રવિવારે આ શખ્સ પોતાની માતાને મળ્યો. જે ત્યાં સુધી દિલ્હી પહોંચી ચુકી હતી. તે આદમીની માતાએ કહ્યું કે તે 17 વર્ષ પહેલા બ્રિટન ગયો હતો. પરંતુ તેણે મને ત્યાં નોકરી વિશે ક્યારેય ન જણાવ્યું. તે ક્યારેક જ ફોન કરતો હતો. મને લાગતુ હતું કે મેં તેને હંમેશા માટે ગુમાવી દીધો છે.