સ્પોર્ટ્સ / અમે ક્યારેય IPL આયોજન કરવામાં રસ દાખવ્યો નથી, અમારી પાસે ટાઈમ નથી

જો કે હવે ખબરો સામે એવી આવી રહી છે કે IPL 2020નું આયોજન કોરોના વાયરસને કારણે વિદેશી ધરતી પર થઈ શકે છે. યજમાનીની રેસમાં શ્રીલંકા, યુએઈની સાથે-સાથે ન્યૂઝીલેન્ડ પણ હતું. જો કે હવે ન્યૂઝીલેન્ડ ક્રિકેટ બોર્ડ સ્પષ્ટ કરી દીધું છે કે તેમને આ ટુર્નામેન્ટની યજમાની કરવાની કોઈ રજૂઆત કરી નથી. 

ન્યૂઝીલેન્ડ ક્રિકેટ બોર્ડનું નિવેદન

ન્યૂઝીલેન્ડ ક્રિકેટ (NZC) એ કહ્યું છે કે તેમણે આ વર્ષે આઈપીએલની યજમાની કરવાની કોઈ રજૂઆત કરી નથી અને આ પ્રકારના અહેવાલ માત્ર અટકળો છે. જો કે ભવિષ્યના ટુરની કાર્યક્રમ માટે પોતાની પ્રતિબદ્ધતાની પુષ્ટિ કરી હતી. ન્યૂઝીલેન્ડ ક્રિકેટ બોર્ડના પ્રવક્તા રિચર્ડ બુકે એ વાતની પુષ્ટિ કરી કે ક્રિકેટ બોર્ડે ક્યારેય IPLની યજમાની માટે રસ નથી દાખવ્યો. આઈપીએલનું આયોજન માર્ચમાં થવાનું હતું પરુંત કોવિડ 19 મહામારીને કારણે તેને અનિશ્ચિતકાળ માટે સ્થગિત કરી દેવાઈ છે. 

રિચર્ડ બૂકે કહ્યું હતું કે ન્યૂઝીલેન્ડ IPLની યજમાની કરશે તે વાતો માત્ર અટકળો છે. હાલના સમયમાં અમને જો IPLની યજમાની કરવાનું કહેવામાં પણ આવ્યું હોત તો અમે એ સ્થિતિમાં નથી કે કરી શકીએ. તેની તારીખો અને ન્યૂઝીલેન્ડના પોતાની ફ્યૂચર ટુર પ્લાનિંગને અમારે પ્રથમ પ્રથામિકતા આપવી પડે. જેનો અર્થ એ થાય છે કે સમયના અભાવે અમે IPLનું આયોજન કરી શકીએ તેમ નથી.