જાપાન પ્રવાસ / Video: જે ભારત આવવાની છે, એજ બુલેટ ટ્રેનમાં PM મોદીએ કરી સવારી, મળ્યા ભારતીય ડ્રાઇવરોને

PM Modi Japan Visit: વડાપ્રધાન નરેન્દ્ર મોદી હાલમાં જાપાનના બે દિવસના પ્રવાસે છે. વડાપ્રધાન મોદી અહીં ભારત-જાપાન મિત્રતાનો નવો અધ્યાય લખી રહ્યા છે. આજે પીએમ મોદીની જાપાન મુલાકાતનો બીજો દિવસ છે.

વડાપ્રધાન નરેન્દ્ર મોદીએ તેમની જાપાન મુલાકાતના બીજા દિવસે શનિવારે તેમના જાપાની સમકક્ષ શિગેરુ ઇશિબા સાથે બુલેટ ટ્રેનમાં મુસાફરી કરી. જેની તસવીરો સામે આવી છે. આ તસવીરોમાં વડાપ્રધાન નરેન્દ્ર મોદી જાપાનના વડાપ્રધાન શિગેરુ ઇશિબા સાથે બુલેટ ટ્રેનમાં મુસાફરી કરતા દેખાઈ રહ્યા છે.

વડાપ્રધાન મોદી અને જાપાનના વડાપ્રધાન બંનેએ જાપાનના ટોક્યોથી સેન્દાઈ શહેર સુધી બુલેટ ટ્રેનમાં મુસાફરી સવારી કરી. આ દરમિયાન, હાઇ સ્પીડ ટ્રેને 370 કિમીનું અંતર 1.33 કલાકમાં કાપી લીધું. દરમિયાન વડાપ્રધાન મોદીએ પૂર્વ જાપાન રેલ્વે કંપનીમાં ટ્રેનિંગ લઈ રહેલા ભારતીય ટ્રેન ડ્રાઇવરો સાથે મુલાકાત કરી. આની પણ તસવીરો સામે આવી છે. વડાપ્રધાન મોદી જાપાનના પીએમ સાથે બુલેટ ટ્રેનની અંદર બેઠા છે. આસપાસ ઘણા અધિકારીઓ પણ છે.

જાપાનના વડાપ્રધાન શિગેરુ ઇશિબાએ તેમના X એકાઉન્ટ પર આ મુસાફરીની તસવીરો શેર કરીને લખ્યું, 'વડાપ્રધાન મોદી સાથે સેન્દાઈની યાત્રા. ગઈકાલ રાતથી ચાલુ રાખીને હું તમારી સાથે કારમાં રહીશ.' તેમણે નવી ALFA-X ટ્રેનનું પણ નિરીક્ષણ કર્યું અને 'JR East' તરીકે પણ ઓળખાતી પૂર્વ જાપાન રેલ્વે કંપનીના પ્રમુખે તેમને બુલેટ ટ્રેન વિશે માહિતી આપી.

જાપાનના વડાપ્રધાને X પર ટ્રેનની અંદરની તસવીરો શેર કરીને લખ્યું, 'નવી ALFA-X ટ્રેનને બારીમાંથી જોઈ અને JR Eastના પ્રમુખે મને તેના વિશે માહિતી આપી.' હાલમાં જાપાનમાં ઘણા ભારતીય ટ્રેન ડ્રાઇવરો હાજર છે. તેઓ હાલમાં જાપાનમાં JR East સાથે ટ્રેનિંગ લઈ રહ્યા છે.

આ પણ વાંચો: આ દારૂમા ડોલ છે શું? જેની PM મોદીને અપાઇ જાપાનમાં ભેટ, કહેવાય છે લકી ચાર્મ

જ્યારે વડાપ્રધાન મોદી શનિવારે બુલેટ ટ્રેનમાં મુસાફરી કરવાના હતા, ત્યારે આ બધા ભારતીય ટ્રેન ડ્રાઇવરો તેમના સ્વાગત માટે પહેલેથી જ કતારમાં ઉભા હતા. વડાપ્રધાન મોદીએ ડ્રાઇવરો સાથે મુલાકાત કરી તેમની સાથે ફોટો પણ પડાવ્યા. આજે વડાપ્રધાન મોદીનો જાપાન પ્રવાસનો છેલ્લો દિવસ છે. વડાપ્રધાન મોદીની જાપાન યાત્રાના બીજા દિવસે જાપાની પીએમ સાથે લંચ કરશે. આ સાથે તેઓ ઇલેક્ટ્રોન ફેક્ટરીની મુલાકાત પણ લેશે. આ પછી, તેઓ બપોરે 2.15 વાગ્યે જાપાનથી સીધા SCO સમિટ માટે ચીન જવા રવાના થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ