નેશનલ / પાન-મસાલા ખાનારા ચેતી જજો! FSSAIએ આ ચીજ પર મૂક્યો પ્રતિબંધ

Pan Masala Packaging News: પાન મસાલા ઉત્પાદક કંપનીઓ અને ગ્રાહકો માટે એક મહત્વપૂર્ણ અપડેટ સામે આવ્યું છે. ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઈન્ડિયા (FSSAI) એ તાજેતરમાં પાન મસાલા પેકેજિંગથી જોડાયેલા નિયમોમાં સુધારો કર્યો છે. નવા નિયમો હેઠળ પાન મસાલા પેકેજિંગમાં વપરાતા અનેક પ્રકારના પ્લાસ્ટિક અને સિંથેટિક સામગ્રી પર હવે પ્રતિબંધ મૂકવામાં આવ્યો છે.

આ નિર્ણય બાદ પાન મસાલા ઉત્પાદક કંપનીઓએ તેમની પેકેજિંગ સિસ્ટમમાં ફેરફાર કરવો પડી શકે છે. જો કે આ FSSAI નિર્ણય પેકેજિંગ ફોર્મેટ પર સીધી અસર કરશે જેનો લાંબા સમયથી પાન મસાલા ઇડસ્ટ્રીમાં ઉપયોગ થાય છે.

કયા પેકેજિંગ સામગ્રી પર પ્રતિબંધ?

પાન મસાલા પેકેજિંગમાં પ્લાસ્ટિક આધારિત સામગ્રીનો ઉપયોગ હવે કરવામાં આવશે નહીં. પોલીપ્રોપાઇલિન, પોલિએસ્ટર, પોલિઇથિલિન અને અન્ય કૃત્રિમ પોલિમર, જેમ કે PVC પર આધારિત પેકેજિંગ પર પ્રતિબંધ રહેશે. કોપોલિમર અને લેમિનેટ આધારિત પેકેજિંગ પર પણ પ્રતિબંધ મૂકવામાં આવશે. જો કે એલ્યુમિનિયમ ફોઇલ અને મેટલાઇઝ્ડ લેયર વાળા પેકેજિંગ પર પણ પ્રતિબંધ મૂકવામાં આવ્યો છે. આનાથી બજારમાં વપરાતા પરંપરાગત પ્લાસ્ટિક પાઉચ પર પણ અસર પડી શકે છે.

પેકેજિંગ માટે કઈ સામગ્રીનો ઉપયોગ કરવામાં આવશે?

નવા નિયમો અનુસાર પાન મસાલા હવે કાગળ, પેપરબોર્ડ, સેલ્યુલોઝ અને અન્ય પ્રાકૃતિક સ્ત્રોતોમાંથી બનેલી સામગ્રીમાં પેક કરવામાં આવશે. FSSAI જણાવે છે કે આ પેકેજિંગ સામગ્રીમાં કોઈપણ પ્લાસ્ટિક અથવા કૃત્રિમ પોલિમર સ્તરો ન હોવા જોઈએ. વધુમાં FSSAI એ ટીન અને કાચના કન્ટેનરને પણ મંજૂરી આપી છે, જેનાથી કંપનીઓ આ કન્ટેનરમાં મસાલા પેકેજ કરી શકે છે. FSSAI કહે છે કે આ નિર્ણય પર્યાવરણનું રક્ષણ કરવા અને પ્લાસ્ટિક કચરો ઘટાડવા માટે લેવામાં આવ્યો હતો.

આ પણ વાંચોઃ તમારા કામનું / ફરીથી વધશે LPGના ભાવ! જાણો કેમ, કારણ જાણીને ચોંકી જશો

નવા નિયમો ક્યારે અમલમાં આવશે?

FSSAI એ 7 ઓગસ્ટ 2026 ના સુધારેલા નિયમોનું નોટિફિકેશન જારી કર્યું. અગાઉ આ ફેરફારનો ડ્રાફ્ટ 28 એપ્રિલ 2026 ના બહાર પાડવામાં આવ્યો હતો. જો કે આ અંતિમ નિયમો સૂચનો અને વાંધાઓ પર વિચાર કર્યા પછી જ લાગુ કરવામાં આવ્યા છે. FSSAI કહે છે કે આ પગલું ફૂડ પેકેજિંગને પર્યાવરણીય નિયમોનું પાલન કરવા અને પ્લાસ્ટિક કચરો ઘટાડવા માટે મહત્વપૂર્ણ માનવામાં આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ