વાહ / વીરાંગનાને વંદન: પતિએ ગલવાનમાં વહોરી શહીદી, હવે પોતે મા ભોમની રક્ષા કાજે જોડાઈ આર્મીમાં

• 2020માં ગલવાનમાં ભારત અને ચીની સૈનિકો વચ્ચે અથડામણ થઈ હતી
• અથડામણમાં બિહાર રેજિમેન્ટના હીરો દીપક સિંહ શહીદ થયા હતા
• જ્યાં દીપક સિંહ શહીદ થયા હતા ત્યાં જ રેખા સિંહને મળી પ્રથમ પોસ્ટિંગ

વર્ષ 2020માં ગલવાનમાં ભારતીય અને ચીની સૈનિકો વચ્ચે થયેલી હિંસક અથડામણમાં બિહાર રેજિમેન્ટના હીરો દીપક સિંહ શહીદ થયા હતા. હવે સમાચાર આવ્યા છે કે નાઈક દીપક સિંહની પત્ની રેખા સિંહ સેનામાં જોડાઈ ગઈ છે અને તે સેનામાં લેફ્ટનન્ટ તરીકે કમિશન્ડ થઈ ગઈ છે. ખાસ વાત એ છે કે રેખા સિંહને પૂર્વ લદ્દાખમાં LAC પર પહેલી પોસ્ટિંગ આપવામાં આવી છે.

#Proud #VeerNari

Woman Cadet Rekha Singh, wife of Late Naik(Nursing Assistant) Deepak Singh, #VirChakra(Posthumous) got commissioned into #IndianArmy after completing her training from #OTA #Chennai. Nk Deepak made the supreme sacrifice during the #Galwan Clashes. pic.twitter.com/zzI3tCnBZj

— ADG PI - INDIAN ARMY (@adgpi) April 29, 2023

રેખા એક વર્ષની તાલીમ બાદ ઓફિસર બની

રેખા સિંહે ઓફિસર્સ ટ્રેનિંગ એકેડેમી ચેન્નાઈમાંથી એક વર્ષની ટ્રેનિંગ પૂર્ણ કરી છે, ત્યારબાદ તેને સેનામાં લેફ્ટનન્ટ તરીકે સામેલ કરવામાં આવી છે. તમને જણાવી દઈએ કે લેફ્ટનન્ટ રેખા સિંહના પતિ નાઈક દીપક સિંહ બિહાર રેજિમેન્ટની 16મી બટાલિયનમાં તૈનાત હતા અને વર્ષ 2020માં પૂર્વ લદ્દાખની ગાલવાન ઘાટીમાં ચીની સૈનિકો સાથેની અથડામણમાં શહીદ થયા હતા. નાઈક ​​દીપક સિંહને 2021 માં મરણોત્તર વીર ચક્ર એનાયત કરવામાં આવ્યો હતો.

Rekha Singh, wife of Naik Deepak Singh who was martyred in the Galwan Valley clashes in 2020, has now joined Indian Army.

She has been commissioned into the Indian Army as a Lieutenant and has been posted to Ladakh.

Naik Deepak Singh was posthumously awarded Vir Chakra pic.twitter.com/Emr9wdwsxl

— Anshul Saxena (@AskAnshul) April 29, 2023

દીપક સિંહ લગ્નના આઠ મહિના પછી જ શહીદ થઈ ગયા હતા

ભારતીય સેનાએ ટ્વીટ કર્યું, “સ્વર્ગીય નાઈક દીપક સિંહની પત્ની મહિલા કેડેટ રેખા સિંહને ભારતીય સેનામાં કમિશન આપવામાં આવ્યું છે. તેણે ઓફિસર્સ ટ્રેનિંગ એકેડેમી, ચેન્નાઈમાંથી તેની તાલીમ પૂર્ણ કરી છે. દીપક સિંહ વર્ષ 2012માં સેનામાં જોડાયા હતા અને બિહાર રેજિમેન્ટમાં નર્સિંગ સ્ટાફ તરીકે તૈનાત હતા. જાન્યુઆરી 2020 માં તેને લદ્દાખમાં પોસ્ટ કરવામાં આવ્યા હતા પરંતુ લગભગ પાંચ મહિના પછી નાઈક દીપક સિંહ ચીની સૈનિકો સાથેની અથડામણમાં શહીદ થયા હતા. તેમની શહીદીના આઠ મહિના પહેલા જ રેખા સિંહ સાથે તેમના લગ્ન થયા હતા. હવે રેખા સિંહે સેનામાં જોડાઈને એક નવો દાખલો બેસાડ્યો છે.