બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / તમારા કામનું / તાજમહેલના 22 બંધ રૂમનું રહસ્ય શું? ક્યાં આવેલા છે આ રૂમ, જાણો આખું સત્ય
5 ફોટો ગેલેરી
Last Updated: 04:32 PM, 12 August 2026
FOLLOW ON
શેર કરો
1/5
યમુના નદીના કિનારે સફેદ આરસપહાણથી બનેલો તાજમહેલ સદીઓથી પોતાની સુંદરતા માટે વિશ્વભરમાં જાણીતો છે. વિશ્વની આ અજાયબી તેની સુંદરતાની સાથે સાથે તેના 22 બંધ રૂમોને કારણે પણ અવારનવાર ચર્ચામાં રહે છે. સોશિયલ મીડિયા પર આ રૂમોને લઈને અનેક પ્રકારની વાતો અને દાવાઓ કરવામાં આવે છે. પરંતુ ASI અને ઇતિહાસકારોના મતે આ બાબત પાછળ એક વૈજ્ઞાનિક અને સ્થાપત્યકીય સત્ય રહેલું છે.
આ તસવીર શેર કરો
2/5
ASI ના અધિકારીઓના જણાવ્યા મુજબ, જેને સામાન્ય ભાષામાં '22 રૂમ' કહેવામાં આવે છે તે વાસ્તવમાં અલગ-અલગ ઓરડા નથી પરંતુ તાજમહેલના બેઝમેન્ટમાં આવેલો એક લાંબો કમાનાકાર ગલિયારો છે, જેમાં અનેક દરવાજા આવેલા છે. આ હિસ્સો તાજમહેલના મુખ્ય પ્લેટફોર્મની નીચે, યમુના નદી તરફના ભાગમાં આવેલો છે. તે મુખ્ય ઈમારતની નીચે હોવાથી સામાન્ય પ્રવાસીઓને સીધો દેખાતો નથી અને ત્યાં જવાની પરવાનગી પણ નથી.
આ તસવીર શેર કરો
3/5
ASI અનુસાર, આ રૂમોને કોઈ રહસ્ય છુપાવવા માટે બંધ રાખવામાં આવ્યા નથી, પરંતુ સુરક્ષા અને સંરક્ષણ (Conservation) મુખ્ય કારણ છે. તાજમહેલ એક વિશ્વ ધરોહર સ્થળ હોવાથી લાખો પ્રવાસીઓની ભીડ વચ્ચે બેઝમેન્ટમાં અનાવશ્યક અવરજવર રોકવી જરૂરી છે.
આ તસવીર શેર કરો
4/5
પૂર્વ ASI ક્ષેત્રીય નિયામક કે.કે. મુહમ્મદ અને તેના સર્કલના અધિકારીઓના જણાવ્યા અનુસાર, આ રૂમો તાજમહેલની સ્થાપત્ય રચનાનો એક ભાગ છે. તાજમહેલનો મુખ્ય મકબરો અને મિનારા જે ઊંચા ચબૂતરા પર ઊભા છે, તેને મજબૂત ટેકો આપવા અને ઈમારતનું વજન સમાન રીતે વહેંચવા માટે આ કમાનાકાર માળખું બનાવવામાં આવ્યું હતું. આવા બેઝમેન્ટ રૂમ હુમાયુના મકબરા અને સફદરજંગના મકબરામાં પણ જોવા મળે છે. વળી, ત્યાં કોઈ ધાર્મિક પ્રતીકો કે મૂર્તિઓના નિશાન મળ્યા નથી.
આ તસવીર શેર કરો
5/5
વર્ષ 2022 માં અલ્હાબાદ હાઈકોર્ટમાં આ 22 રૂમો ખોલવા અને ફેક્ટ-ફાઈન્ડિંગ કમિટી બનાવવાની માંગ કરતી એક અરજી દાખલ કરવામાં આવી હતી. પરંતુ 12 May 2022 ના રોજ કોર્ટે આ અરજી ફગાવી દેતાં કહ્યું હતું કે આ ઐતિહાસિક વિષય છે અને તેના પર ઇતિહાસકારો અને નિષ્ણાતો જ ચર્ચા કરી શકે. ત્યારબાદ ASI એ આ અંડરગ્રાઉન્ડ રૂમોની તસવીરો જાહેર કરી હતી, જેમાં ત્યાં ચાલી રહેલા સમારકામ અને સફાઈનું કામ જોઈ શકાતું હતું. ASI ના કર્મચારીઓ સમયાંતરે સફાઈ અને માળખાકીય તપાસ માટે ત્યાં જાય છે અને દિવાલો પર કોઈ રહસ્યમય વસ્તુ હોવાની બાબત સામે આવી નથી. આમ, તાજમહેલના 22 બંધ રૂમોની કહાનીમાં કોઈ ગુપ્ત રહસ્ય નથી પરંતુ ઇતિહાસ, સ્થાપત્ય અને સંરક્ષણનું પાસું જોડાયેલું છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
