SHORT & SIMPLE / રિવરફ્રન્ટ ફરવા જતાં લોકોનું સૌથી મોટું 'ટેન્શન' દૂર, હવે નહીં રહે ગાડીની ચિંતા, તંત્રએ શરૂ કરી સુવિધા

• રિવરફ્રન્ટ પર મલ્ટીલેવલ પાર્કિંગ તૈયાર
• એક હજાર વાહન થઈ શકશે પાર્ક
• CCTV કેમેરાથી સજ્જ છે પાર્કિંગ

અમદાવાદ શહેરના રિવરફ્રન્ટ જતાં લોકો માટે મોટા સમાચાર સામે આવ્યા છે. વાત જાણે એમ છે કે, રિવરફ્રન્ટ પર મલ્ટીલેવલ પાર્કિંગ તૈયાર કરાયુ છે. વિગતો મુજબ આ મલ્ટીલેવલ પાર્કિંગમાં એક હજાર વાહન પાર્ક થઈ શકશે. આગામી 1 મહિનામાં લોકો માટે પાર્કિંગ ખુલ્લું મુકાઇ શકે છે. આ સાથે મલ્ટીલેવલ પાર્કિંગથી અટલ બ્રિજ જવા માટે કોરિડોર બનાવાયો છે. 

અમદાવાદમાં રિવરફ્રન્ટ પર મોટી સંખ્યામાં લોકો આવતા હોય છે. જેને લઈ પાર્કિંગની સમસ્યા ન સર્જાય તે માટે તંત્ર દ્વારા મોટો નિર્ણય કરવામાં આવ્યો છે. જે મુજબ રિવરફ્રન્ટ પર મલ્ટીલેવલ પાર્કિંગ તૈયાર કરાયુ છે. આ સાથે પાર્કિંગ સ્લોટ કેટલા છે તે માટે LED સ્ક્રીન પણ લગાવવામાં આવી. જેમાં દરેક માળના સ્લોટની LED સ્કીન પર માહિતી જોઈ શકાશે. આ મલ્ટીલેવલ પાર્કિંગ ફાયર સેફ્ટી અને CCTV કેમેરાથી સજ્જ છે.