બદલાવ / સરકારના એક નિર્ણયથી હવે આ મેડિકલ સાધનોની કિંમતો પર લાગશે લગામ

• સરકારે મેડિકલ ડિવાઇસને રાખ્યા ડ્રગ્સની શ્રેણીમાં 
• 1 એપ્રિલથી એની પર પણ લાગૂ થશે ડ્રગ્સ કંટ્રોલ કાનૂન
• એનાથી સ્ટેન્ટ જેવા ઘણા ડિવાઇસની કિંમત પર લાગશે લગામ 

સિરીઝ, ડિજીટલ થર્મોમીટર, ડાયલિસિસ મશીન જેવા તમામ મેડિકલ ડિવાઇસ આજે એટલે કે 1 એપ્રિલથી ડ્રગ્સની શ્રેણીમાં આવી ગયા છે. કિંમતો પર અંકુશને લઇને સરકારે આ પગલું ભર્યું છે. મેડિકલ ડિવાઇસમાં કોન્ડમને પણ સામેલ કરવામાં આવ્યા છે. એટલે કે સ્ટેન્ટથી લઇને કોન્ડમ સસ્તા મળશે અને એની કિંમતોમાં મનમાની વધારો થઇ શકશે નહીં. 

કેન્દ્ર સરકાર દ્વારા જારી અધિસૂચના પ્રમાણે દેશમાં વેચાતા તમામ મેડિકલ ડિવાઇસ 1 એપ્રિલ 2020થી ડ્રગ્સ એન્ડ કૉસ્મેટિક્સ એક્ટ હેઠળ ડ્રગ્સની જેમ માનવામાં આવશે.એનો અર્થ એ છે કે એની ગુણવત્તા અને કિંમત પર સરકાર એ પ્રકારના નિયંત્રણ કરી શકશે જેવા કે દવાઓના કેસમાં થાય છે. 

કેમ લીધો સરકારે નિર્ણય 

• આ કાનૂન હેઠળ હાલ 24 મેડિકલ ડિવાઇસની ગુણવત્તા અને કિંમતો પર નિયંત્રમ કરવામાં આવશે. એમાં સિરીઝ, નીડલ, કાર્ડિએક સ્ટેન્ટ, ની ઇમ્પ્લાન્ટ, ડિજીટલ થર્મોમીટર, સીટી સ્કેન, એમઆરઆઇ, ડાયાલિસિસ મશીન સામેલ છે. 
• નોંધનીય છે કે ભારતમાં ખાસ કરીને કાર્ડિએક સ્ટેન્ટ અને ની ઇમ્પ્લાન્ટ જેવા ઉપકરણો ખૂબ જ મોંઘા હોવાથી જનતાને પરેશાની થતી હતી. કાર્ડિએક સ્ટેન્ટની કિંમતો પર મોદી સરકારે ખૂબ જ અંકુશ લગાવ્યો છે, તેમ છતાં એ મોંઘા છે. 

ચાર ડિવાઇસની ઉપરી કિંમત ફિક્સ રહેશે

• નોટિફિકેશન અનુસાર કાર્ડિએક સ્ટેન્ટ, ડ્રગ ઇલ્યૂટિંગ સ્ટેન્ટ, કોન્ડમ અને ઇન્ટ્રા યૂટરીન ડિવાઇસને શેડ્યૂઅલ મેડિકલ ડિવાઇસની શ્રેણીમાં રાખવામાં આવ્યા છે જેની ઉપરી કિંમત ફિક્સ રહેશે. આ ચારે ડિવાઇસ પ્રાઇસ કંટ્રોલ હેઠળ આવશે. 
• બાકી મેડિકલ ડિવાઇસ નૉન-શેડ્યૂલ શ્રેણીમાં હશે અને એમના વધારાની કિંમત પર નેશનલ ફાર્માસ્યૂટટિકલ પ્રાઇસિંગ અથૉરિટીની દેખરેખ રહેશે. એમાં સરકાર એવું ધ્યાન રાખે છે કે કોઇ પણ નિર્માતા અથવા આયાતક એક વર્ષની અંદર કોઇ દવા અથવા ડિવાઇસની કિંમતમાં 10 ટકાથી વધારે વધારો ના કરી શકે.