વરસાદની આગાહી / એક તરફ ગુજરાતમાં વરસાદની 'ભારે' આગાહી, છતાંય કેમ ખેંચાઇ રહ્યું છે ચોમાસું, જાણો અંબાલાલના મતે

હવામાન નિષ્ણાંત અંબાલાલ પટેલે વરસાદની આગાહીને લઈને પ્રતિક્રિયા આપતા કહ્યું હતું કે, ઋતુચક્રમાં ફેરફારને પગલે વરસાદ ખેંચઈ રહ્યો હોવાનું તારણ સામે આવ્યું છે. હાલ રાજ્યમાં છૂટા છવાયા વરસાદની આગાહી કરવામાં આવી છે. આગામી તા. 17 થી 24 જૂલાઈ સુધી રાજ્યમાં વરસાદ પડી શકે છે. દક્ષિણ ગુજરાતનાં ડાંગ, વલસાડ જીલ્લામાં ભારે વરસાદની આગાહી કરવામાં આવી છે. અમદાવાદ, પંચમહાલ, અરવલ્લીમાં ભારે વરસાદની આગાહી કરવામાં આવી છે. સૌરાષ્ટ્ર-કચ્છનાં દરિયાકાંઠાનાં ભાગોમાં વરસાદ પડી શકે છે. દક્ષિણ પશ્ચિમ અરબ સાગરમાં ઓગસ્ટ મહિનામાં લાનોની અસર ફાયદાકારક થશે.

પશ્ચિમ મહાસાગરમાં જળ વાયુ તટસ્થ છે

ઋતુચક્રમાં ફેરપાર પણ વરસાદ ખેંચાવાનું કારણ હોઈ શકે છે. પશ્ચિમ મહાસાગરમાં જળવાયુ તટસ્થ છે. દક્ષિણ પશ્ચિમ અરબ સાગર તટસ્થ છે. લાનીનો અસમંજસની સ્થિતિ જોવા મળી રહી છે. જો લાનીનો ઓગસ્ટ કે સપ્ટેમ્બર માસમાં બને તો ઋતુ પરિવર્તન જેવું ગણાશે. જ્યાં સુધી વેપાર વાયુ બરાબર ન થાય અને બંગાળનાં ઉપસાગર વહન મજબૂત ન થાય અને અરબ સાગરનું વહન મજબૂત ન થાય તો સારા વરસાદની ગણતરી મૂકી શકાય નહી.

મધ્ય ગુજરાતના ભાગોમાં ભારે વરસાદ થાય

આગામી 17 જુલાઈ 24 જુલાઈ સુધીમાં ભારે વરસાદ થાય છે. વડોદરા, આણંદ, પાદરા, જંબુસર, બોડેલી, કરજણ આ ભાગોમાં ભારે વરસાદ થાય છે. અમદાવાદનાં ભાગોમાં ભારે વરસાદની શક્યતા છે. પંચમહાલનાં ભાગોમાં સારો વરસાદ થવાની શક્યતા રહે છે. અરવલ્લી, મોડાસાનાં ભાગોમાં સારો વરસાદ અને ભારે વરસાદની શક્યતા છે.

વધુ વાંચોઃ નવસારીમાં નદીઓ વહી, તો વલસાડમાં વરસ્યો 2 જ કલાકમાં બે ઇંચ વરસાદ, દક્ષિણમાં મેઘરાજાએ કરી દેવાવાળી

વરસાદ ની ગતિવિધિ 17 જુલાઈ થી શરૂ થશે

ઉત્તર ગુજરાતમાં ભાગોમાં પણ ભારે વરસાદની શક્યતા છે. જામનગરનાં કેટલાક ભાગોમાં વરસાદ થયો છે. અને કેટલાક ભાગોમાં વરસાદ થયો નથી. તે પણ ભાગમાં વરસાદ થશે. ઉત્તર સૌરાષ્ટ્રનાં ભાગો સહિત કચ્છનાં ભાગોમાં વરસાદ થશે. વરસાદની ગતિવિધિ 17 જુલાઈથી શરૂ થશે.

ટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ