રાજનીતિમાં ગરમાવો / VIDEO : મહિલાઓ સામે CM નીતિશ કુમાર ભાન ભૂલ્યા, વસતી વધારા પર કરી અશ્લીલ કોમેન્ટ

• વૈશાલીમાં સમાધાન યાત્રામાં ભાન ભૂલ્યા બિહારના સીએમ નીતિશ કુમાર 
• વસતી નિયંત્રણ પર આપ્યું અશ્લિલ અને વાંધાજનક નિવેદન 
• કહ્યું વસતી વધારો કાબૂમાં નહીં આવે, પુરુષો સમજતા નથી 

બિહારમાં સમાધાન યાત્રા કરી રહેલા સીએમ નીતિશ કુમારે વૈશાલી જિલ્લામાં એક સભાને સંબોધતા વસતી વધારા પર મહિલાઓની સામે અશ્લિલ અને અત્યંત વાંધાજનક ટીપ્પણી કરીને વિવાદમાં ઘેરાયા છે. 

જીવિકા દીદીઓને સંબોધિત કર્યા ભાન ભૂલ્યા નીતિશ 
વૈશાલીના બીકા ખાતે જીવિકા દીદીઓને સંબોધિત કરી રહ્યા હતા. ફર્ટિલિટી રેટ જાગૃકતા પર બોલતાં તેમણે કહ્યું કે જો મહિલાઓ ભણીગણીને હોશિયાર થશે તો તેમણે વધુ બાળકો પેદા ન કરવા જોઈએ તેવું જરુરથી લાગશે પરંતુ આજકાલની મહિલા શિક્ષિત નથી અને સામે પક્ષે પુરુષોને કંઈ ભાન નથી, તેઓ રોજ રોજ કરે જાય છે પરંતુ તેમને ખબર નથી કે કંઈ રોજરોજ બાળકો પેદા કરવાના નથી. નીતીશ કુમારે કહ્યું કે બિહારમાં જનસંખ્યા નિયંત્રણમાં નહીં આવે કારણકે પુરુષ જવાબદારી નથી લેતા જ્યારે મહિલાઓ અશિક્ષિત છે. 

मुख्यमंत्री श्री कुशासन कुमार जी ने जिन अमर्यादित शब्दों का प्रयोग किया वह संवेदनहीनता की पराकाष्ठा है। ऐसे शब्दों का प्रयोग कर वह मुख्यमंत्री पद की गरिमा को कलंकित कर रहे हैं। pic.twitter.com/d8hwU0KzkR

— Samrat Choudhary (@SMCHOUOfficial) January 7, 2023

ભાજપે નીતિશ કુમારને બરાબરના ઘેર્યાં 
ભાજપ નેતા સમ્રાટ ચૌધરીએ નીતીશ કુમારનાં આ નિવેદન પર પસ્તાળ પાડતાં કહ્યું કે નીતીશે બિહારની ઈમેજ ખરડી છે. 
 બિહાર વિધાનપરિષદમાં વિપક્ષ નેતા સમ્રાટ ચૌધરીએ મુખ્યમંત્રી પર આરોપ લગાવ્યો કે તેમણે જાહેરમાં અભદ્ર અને અપમાનજનક ભાષાનો ઉપયોગ કર્યો છે. ચૌધરીએ ટ્વિટ કર્યું કે મુખ્યમંત્રી નીતીશ કુમાર દ્વારા અભદ્ર શબ્દોનો પ્રયોગ અસંવેદનશીલતાની પરાકાષ્ઠા છે. આવા વાંધાજનક શબ્દોનો ઉપયોગ કરીને તેમણે મુખ્યમંત્રી પદની ગરિમા લજવી છે. 

બિહારમાં વસતી વધારો ભયાનક સમસ્યા

ઉલ્લેખનીય છે કે બિહારમાં વસતી વધારો ભયાનક સમસ્યા છે. સરકાર વસતી વધારાને નાથવા માટે અનેક પગલાં ભરી રહી છે. જોકે નીતિશ કુમારનો ઈરાદો સારો હતો પરંતુ વસતી વધારા પર તેમણે જે પ્રકારની ભાષા વાપરી તે અભદ્ર છે.