દિલ્હી / મોહમ્મદપુરનું ગામ હવે માધવપુર કરી નાંખો, ગ્રામજનોએ નામ બદલવા માટે જુઓ શું કરી દલીલ

• દિલ્હીના આ ગામનું નામ બદલવાની માંગ ઉઠી
• મોહમ્મદપુર ગામનુ નામ માધવપુર કરવાની માંગ 
• ભાજપના સ્થાનિક કોર્પોરેટરે પત્ર લખી કરી માંગ   

દિલ્હીમાં આવેલું મોહમ્મદપુર ગામનું નામ બદલાવા માટે ગ્રામજનોમાં માંગ ઉઠી છે. એક સમયે મુગલ કાળમાં આ ગામ મોહમ્મદપુર ગામથી ઓળખાતું પરતું હવે આ ગામમાં સમયની સાથે ઘણા બધા પરિવર્તનો આવ્યા છે તેમજ હવે હિન્દુઓની વસ્તી પણી ઘણી વધી છે.  

દિલ્હીના આ ગામનું નામ બદલવાની માંગ ઉઠી

દિલ્હીના દક્ષિણ વિસ્તારમાં ભીકાજી કામા પાસે આવેલ મોહમ્મદપુર ગામ આવેલું છે જેનું નામ બદલવામાં આવે તેવી ગ્રામજનોમાં માંગ ઉઠી છે. ભાજપના સ્થાનિક કોર્પોરેટર ભગતસિંહ ટોકસએ આ પ્રસ્તાવ મુક્યો છે જેમાં તેમણે જણાવ્યું છે કે આ વિસ્તારમાં હવે હિન્દુઓનું પ્રમાણ વધારે છે. ત્યારે આ ગામનું નામ બદલીને માધવપુર કરી દેવું જોઈએ. જોકે આ પ્રસ્તાવને નગર નિગમની જોલન કમિટીમાં પાસ કરી દેવાયો છે જેને હવે દક્ષિણ નગર નિગમની સ્થાયી સમિતિમાં મોકવામાં આવનાર છે.

મોહમ્મદપુર ગામના નામને બદલવાની માંગ  

સ્થાનિક કોર્પોરેટરની માંગ છે કે મુગલ કાળમાં આ ગામનું નામ મોહમ્મદપુર રાખવામાં આવ્યું હતું પરતું હવે સમયની સાથે અનેક પરિવર્તનો આ ગામમાં આવ્યા છે. પહેલા કરતા હવે હિન્દુસમાજની વસ્તીમાં વધારો થયો છે. એવામાં ગામનું નામ બદલવું જરૂરી થઈ ગયું છે.જેને લઈ કોર્પોરેટર ભગત સિંહ ટોક્સ દ્વારા એક પત્ર લખવામાં આવ્યો છે જેમાં જણાવાયું છે કે આ ગ્રામજનોની માંગ છે કે ગામનું નામ મોહમ્મદપુરથી માધવપુર કરવામાં આવે.

ભાજપના સ્થાનિક કોર્પોરેટરે પત્ર લખી કરી માંગ   

કોર્પોરેટરને પત્રમાં એવો દાવો કર્યો છે કે મુગલ કાળમાં દિલ્હીના તમામ ગામોના નામ જબરદસ્તીથી બદલવામાં આવ્યા હતા જેમાં મોહમ્મદપુર ગામ સાથે પણ આવું જ થયું હતું. કોર્પોરેટર તરફથી માગણી કરવામાં આવી છે તે ગામના લોકોની ભાવનાઓને ધ્યાનમાં રાખીને આ પ્રસ્તાવને સ્વીકારવામાં આવે અને ગામનું નામ બદલવામાં આવે. આ પહેલા પણ અનેક જગ્યાના નામ આવી જ રીતે બદલવામાં આવ્યા છે. જેમાં વિવિધ પ્રસ્તાવો પણ રજૂ કરવામાં આવ્યા છે.

ભાજપ નેતા વિજય ગોયલ દ્વારા કરાઈ હતી માંગ  

મહત્વનું છે કે બે વર્ષ પહેલા ભાજપના નેતા વિજય ગોયલએ દિલ્હીનું નામ બદલવાની માંગ કરી હતી. તેમણે જણાવ્યું કે દિલ્હીનું નામ હસ્તિનાપુર કે ઈન્દ્રપ્રસ્ત કરી દેવું જોઈએ જેમાં તેમણે એવો તર્ક આપતા જણાવ્યું હતું કે મૌર્યવંશના રાજા દિલ્લૂના નામ પરથી જ દિલ્હીનું નામ પડ્યું હતું પરતું તેમના આ સુઝાવને વધારે મહત્વ મળ્યું ન હતું. જો કે હવે દિલ્હીના મોહમ્મદપુર ગામના લોકો અને સ્થાનિક ભાજપના કોર્પોરેટરે ગામના નામ બદલવાની માંગ કરી છે.