હેલ્થ ટિપ્સ / આ દાળથી ઘરે જ બનાવી લો ફેસપેક: બે વાર લગાવવાથી દેખાશે નેચરલ ગ્લો, સ્કીન પરથી દૂર થઈ જશે ડાઘ

• ચહેરાની ત્વચા સંવેદનશીલ હોય છે
• આ દાળમાં એક્સફોલિએટિંગ ગુણ હોય છે
• સવારે પાણીમાંથી નિકાળીને તેનો પેસ્ટ બનાવી લો

લોકો તેમની ત્વચાને નરમ અને ચમકદાર બનાવવા માટે કેટલાક સ્કિન કેર પ્રોડક્ટનો ઉપયોગ કરે છે. લોકો સારું પરિણામ મેળવવા માટે અલગ-અલગ સ્કિન કેર પ્રોડક્ટ પણ બદલતા રહે છે. પણ શું તમે ક્યારેય આ પ્રોડક્ટમાં ઉપયોગમાં લેવાતી વસ્તુઓની લિસ્ટ ચેક કરી છે. કારણ કે તેને બનાવવામાં કેટલાક રસાયણોનો ઉપયોગ થાય છે. જે ત્વચા માટે નુકસાનકારક છે. શરૂઆતમાં તેના ઉપયોગથી યોગ્ય પરિણામ મળે છે. પરતું જ્યારે તમે તેને ઉપયોગમાં લેવાનું છોડી દો છો ત્યારે તે નકારાત્મક પરિણામ આપે છે. 

ફેસ પેક 
ચહેરાની ત્વચા સંવેદનશીલ હોય છે. એટલા માટે યોગ્ય સ્કિન કેર પ્રોડક્ટનો ઉપયોગ કરવો જોઈએ. એવી વસ્તુનો ચુનાવ કરવો જોઈએ જેમાં રસાયણ ન હોય. તે ત્વચા માટે ફાયદાકારક સાબિત થશે. તેનાથી કોઈ આડઅસર પણ નહીં થાય. મધ, કોફી, ચણાનો લોટ વગેરે ફેસ પેક વિશે તો તમે સાંભડયું જ હશે. પરતું શું તમે દાળમાંથી બનેલા ફેસ પેક વિશે સાંભડયું છે. દાળ જેટલી સ્વાસ્થ્ય માટે ફાયદાકારક હોય છે એટલી જ ત્વચા માટે પણ ફાયદાકારક હોય છે. જાણો આવી ખાસ દાળ વિશે, જેનો ઉપયોગ ત્વચાની સંભાળ માટે થાય છે.   

લીલા મગની દાળ 
લીલા મગની દાળ સ્વાસ્થ્ય માટે ખૂબ જ ફાયદાકારક હોય છે. તેનો ઉપયોગ ઘણી રીતે કરી શકાય છે. તેમા પણ ત્વચાની વાત કરીએ તો આ દાળમાં એક્સફોલિએટિંગ ગુણ હોય છે. જે ત્વચાના મૃત કોષોને દૂર કરવામાં ફાયદાકારક માનવામાં આવે છે. ત્વચાના રંગને સુધારવાની સાથે તે તેને હાઇડ્રેટ રાખવામાં પણ મદદ કરે છે. તેના ઉપયોગથી ત્વચા ચમકદાર દેખાય છે. 

વાંચવા જેવું: ખતરાની ઘંટડી! ભારતમાં કેન્સરના 14 લાખ નવા કેસ, 9 લાખના મોત, WHOના રિપોર્ટમાં રિબાવી મૂકે તેવા ખુલાસા

આ રીતે તેનો ઉપયોગ કરવો 

• આ ફેસ પેક બનાવવા માટે ચાર ચમચી મગ દાળને આખી રાત પલાળી રાખો. 
• સવારે પાણીમાંથી નિકાળીને તેનો પેસ્ટ બનાવી લો. 
• જો તમારી પાસે સંતરાની છાલ અને ચંદન પાવડર હોય તો, તેને મિક્સ કરીને પેસ્ટ બનાવી લો. 
• હવે તેમા બે ચમચી દૂધ ઉમેરો અને તેને ચહેરા પર લગાડો. 
• થોડા સમય માટે તેને ચહેરા પર સ્ક્રબ કરો અને 10 મિનિટ માટે છોડી દો. 
• હવે ઠંડા પાણીથી ચહેરાને ધોઈ લો અને સાફ કરો.