અનુમાન / મહારાષ્ટ્રના મહાજંગમાં Exit Pollના આંકડા આવ્યા બહાર, જાણો કોણે મારી બાજી

• મહારાષ્ટ્રના સુશ્ક મતદારોના કારણે માત્ર 56 ટકા મતદાન થયું
• 24 ઓક્ટોબરે મતગણતરી યોજાશે, પરંતુ Exit Poll મુજબ NDAની સરકાર
  
  મહારાષ્ટ્રના Exit Pollના આંકડા

મહારાષ્ટ્રમાં ફરી એક વખત ફડણવીસ સરકાર

મહારાષ્ટ્રમાં એક વખત ફરી ફડણવીસ સરકાર બની શકે છે. ભાજપ-શિવસેનાને 166-194 બેઠક મળવાનું અનુમાન છે. ત્યારે કોંગ્રેસ-એનસીપીને 72થી 90 બેઠકો મળવાનું અનુમાન છે. એકલા શિવસેનાના ખાતામાં 57થી 70 બેઠકો મળવાનું અનુમાન છે, જ્યારે ભાજપના ખાતામાં 109 બેઠકો જઇ શકે છે.

નોંધનીય છે કે, બંન્ને રાજ્યોમાં હાલ ભાજપની સરકાર છે અને વિપક્ષોએ ખાસ કરીને કોંગ્રેસે સત્તા પર આવવા માટે ભારે મહેનત ઉઠાવી છે ત્યારે હવે જોવું જ રહ્યું કે, આગામી 24 તરીકે જનતા કયાં પક્ષને ફરી રાજ્યના સંચાલન માટે તક આપે છે. 

મહારાષ્ટ્રમાં સુસ્ત મતદાન થયું પણ ભાજપ તરફી...

મહારાષ્ટ્રમાં સાંજે 6 વાગ્યા સુધીમાં 55.33 ટકા મતદાન નોંધાયું હતું જે 2014 ના મુકાબલે 3 ટકા ઓછું છે. આ સાથે જ હરિયાણામાં સાંજે 6 વાગ્યા સુધીમાં 61.62 ટકા મતદાન નોંધાયું છે. 

શું હતા 2014 ના પરિણામ ?

મહારાષ્ટ્રમાં 2014 ની વિધાનસભાની ચૂંટણીના પરિણામો પર નજર કરીએ તો ભારતીય જનતા પાર્ટી 123 બેઠકો મેળવીને સૌથી મોટી પાર્ટી તરીકે ઉભરી આવી હતી. જ્યારે શિવસેના 63 બેઠકો સાથે બીજા સ્થાને હતી. 

ભાજપ-શિવસેના જોડાણને 186 બેઠકો, કોંગ્રેસને 42 બેઠકો અને એનસીપીને 41 બેઠકો પ્રાપ્ત થઇ હતી, જ્યારે એક બેઠક અન્ય ખાતામાં ગઈ હતી. તે જ સમયે, હરિયાણાની 90 બેઠકો પર યોજાયેલી વિધાનસભાની ચૂંટણીમાં ભાજપને 47 બેઠકો મળી હતી. ભારતીય રાષ્ટ્રીય લોક દળ (INLD) એ 19 બેઠકો જીતી હતી જ્યારે કોંગ્રેસને 15 બેઠકો મળી હતી.