દાળમાં કાળું છે.! / ખેડૂતો જોઈ લેજો.! રાજકોટ યાર્ડના જીરૂના મોટા બ્રોકરને ત્યાં SEBIની રેડ, જીરુંના ભાવ ઓલટાઈમ હાઇ થતાં સટ્ટો અને સિન્ડિકેટ બન્યાની શંકા

• રાજકોટ યાર્ડના જીરૂના મોટા બ્રોકરને ત્યાં સેબીના દરોડા
• ધીરૂ દાસાને ત્યાં સેબીના અધિકારીઓએ શરૂ કરી તપાસ 
• અન્ય 3 એક્સપોર્ટર્સ ત્યાં પણ તપાસ શરૂ કરવામાં આવી

રાજકોટ યાર્ડનાં જીરૂનાં મોટા બ્રોકરને ત્યાં સેબીનાં દરોડા પડ્યા છે. ત્યારે ધીરૂદાસાને ત્યાં સેબીનાં અધિકારીઓએ તપાસ શરૂ કરી છે.  તેમજ અન્ય 3 એક્સપોર્ટર્સને ત્યાં પણ તપાસ શરૂ કરવામાં આવી છે. અયોધ્યા ચોકની ટાઈમ સ્કવેર બિલ્ડિંગમાં અલગ-અલગ ટીમે તપાસ શરૂ કરી છે. 

સતત વધતા જીરૂના ભાવને કારણે સેબી થયું સક્રિય
સૌરાષ્ટ્રનાં વેપારીઓ, ખેડૂતો અને એક્સપોર્ટર્સમાં ચર્ચા જાગી છે. જેમાં 150 ફૂંટ રિંગ રોડ બિલ્ડિંગમાં ઓફિસ પર સર્ચ ઓપરેશન હાથ ધરવામાં આવ્યું છે.  ત્યારે એક્સપોર્ટર વેપારી તથા અન્ય બે મોટા બ્રોકર કે ટ્રેડર્સને ત્યાં સેબીએ તપાસ હાથ ધરી છે. ત્યારે તપાસમાં હજુ પણ મોટી હકીકતો સામે આવે તેવી શક્યતાઓ છે. સતત વધતા જીરૂનાં ભાવને કારણે સેબી સક્રિય થયું છે. જીરૂનાં ભાવ રૂપિયા 8 હજારની સપાટીએ પહોંચતા સટ્ટો અને સિન્ડિકેટ બન્યાની શંકાનાં આધારે સેબી દ્વારા દરોડા પાડવામાં આવ્યા છે.