લોકસભા ચૂંટણી / મુખ્તારના ભાઈ અફઝલ અંસારીને ગાઝીપુરથી ટિકિટ, અખિલેશે લોકસભાના વધુ 11 ઉમેદવારોનું કર્યું એલાન

લોકસભા ચૂંટણી પહેલા અખિલેશ યાદવ ફૂલ એક્શનમાં છે. અખિલેશે આજે લોકસભાના વધુ 11 ઉમેદવારો જાહેર કર્યાં છે. આ પહેલા અખિલેશે પહેલા રાઉન્ડમાં ઘણા ઉમેદવારોના નામ જાહેર કર્યાં હતા. સમાજવાદી પાર્ટીએ મુઝ્ઝફરનગર અને ગાઝીપુર જેવી મહત્વની લોકસભા બેઠક પર ઉમેદવારોના નામ જાહેર કર્યાં છે. સપાએ ગાઝીપુર બેઠક પર મુખ્તાર અંસારીના ભાઈ અફઝલ અંસારીને ટિકિટ આપી છે તો હરેન્દ્ર મલિકને મુઝફ્ફરનગરથીથી ટિકિટ આપવામાં આવી છે. સપાએ શાજહાંપુરથી રાજેશ કશ્યપ, હરદોઈથી ઉષા વર્મા, મિસ્રીખ લોકસભા સીટથી રામપાલ રાજવંશી, મોહનલાલગંજથી આરકે ચૌધરી, પ્રતાપગઢથી એસપી સિંહ બઘેલ, બહરાઈચથી રમેશ ગૌતમ, ગોંડાથી શ્રેયા વર્મા, ચંદૌલીથી વીરેન્દ્ર સિંહ અને આઓંલા લોકસભા સીટથી નીરજ મૌર્યને મેદાનમાં ઉતાર્યા છે.

pic.twitter.com/NkYJmINYsD

— Samajwadi Party (@samajwadiparty) February 19, 2024

30 જાન્યુઆરીએ 16 ઉમેદવારો જાહેર થયા હતા 
સમાજવાદી પાર્ટીએ આ પહેલા 30 જાન્યુઆરીએ 16 ઉમેદવારોની પહેલી યાદી જાહેર કરી હતી. પહેલી યાદી મુજબ પાર્ટીએ મૈનપુરીથી ડિમ્પલ યાદવ, સંભલથી શફીકુર રહેમાન બરક અને લખનઉ લોકસભા સીટથી રવિદાસ મેહરોત્રાનું નામ લીધું છે.

વધુ વાંચો : ડાન્સ વીડિયો પર બબાલ, 'કોઠાવાળી જેવો ડાન્સ છે' કોમેન્ટથી ભડકી છોકરી, મુંબઈ પોલીસ એક્શનમાં

યુપીમાં લોકસભાની 80 બેઠકો

ઉલ્લેખનીય છે કે દેશમાં યુપી એકમાત્ર એવું રાજ્ય છે જ્યાં લોકસભાની સૌથી વધુ 80 બેઠકો છે. 

અફઝલ અંસારી બસપાના સાંસદ હતા 
અખિલેશે જાહેર કરેલું અફઝલ અંસારીનું નામ ખૂબ ચોંકાવનારું છે કારણ કે અફઝલ અંસારી હાલમાં બસપાના સાંસદ છે પરંતુ તેઓ બસપા છોડીને સપામાં જોડાયા છે. 

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો