ઑટો ટિપ્સ / જૂનું ટુવ્હીલર વેચવાનું વિચારી રહ્યાં છો? તો ફૉલો કરજો આ ટિપ્સ, મળશે મો માંગ્યા ભાવ

• યોગ્ય વ્યક્તિને બાઇક સારી કિંમતે વેચવી તે એક મોટો ટાસ્ક
• અનેક લોકો બાઈક ખરીદીને તેનો ગુના માટે ઉપયોગ કરે છે
• બાઈક વેચવા માટે ફોલો કરો આ ટિપ્સ

યોગ્ય વ્યક્તિને બાઇક સારી કિંમતે વેચવી તે એક મોટો ટાસ્ક છે. અનેક લોકો બાઈક ખરીદીને તેનો ગુના માટે ઉપયોગ કરે છે. જો તમે તમારી જૂની બાઇક વેચવાનું વિચારી રહ્યા છો, તો નીચે આપેલી કેટલીક ટિપ્સ ફોલો કરવી જોઈએ. 

બાઈક કંડિશન
સૌથી પહેલા બાઈકની કંડિશન સારી હોવી જોઈએ. કોઈ તમારી બાઈક ખરીદવા આવશે અને ટેસ્ટ રાઈડમાં અવાજ આવશે, તો તે બાઈક ખરીદશે નહીં. કદાચ બાઈક ખરીદશે તો ઓછી કિંમતે બાઈક ખરીદશે. જેથી બાઈકને સ્વચ્છ અને નોઈસ ફ્રી રાખવું. 

સર્વિસ કરાવો
બાઈક વેચવા માટે બાઈકની સર્વિસ કરાવવી જરૂરી છે. જૂની બાઈકની સારી કિંમત મેળવવા માટે બાઈકને સારું પેઈન્ટ કરાવો, સર્વિસ કરાવી દો. જેથી બાઈકમાંથી અવાજ નહીં આવે. કસ્ટમરને બાઈક ગમશે તો તે બાઈકની સારી કિંમત આપવા માટે તૈયાર થઈ જશે. 

ખરીદદારની તપાસ કરો
બાઈક વેચો ત્યારે ખરીદદાર વિશે તપાસ કરી લેવી. અનેકવાર બાઈકનો ગુના માટે ઉપયોગ કરવામાં આવે છે. જેથી સૌથી પહેલા તમારા પર મુસીબત આવશે. જેથી યોગ્ય કસ્ટમરને જ બાઈક વેચવી. 

બાઈક ટ્રાન્સફર કરાવવી જરૂરી
અનેક લોકો બાઈક વેચતા સમયે યોગ્ય ડોક્યુમેન્ટેશન કરતા નથી. જો તમે પણ બાઈક વેચવાનું વિચારી રહ્યા છો, તો બાઈક વેચ્યા પછી કોઈ પ્રોબ્લેમ ના આવે તે માટે બાઈકને ટ્રાન્સફર કર્યા પછી જ શાંતિથી બેસવું. બાઈક વેચવાનું વિચારી રહ્યા છો, તો બાઈકના બધા જ ડોક્યુમેન્ટ રાખી લો. જેથી કોઈ સમસ્યાનો સામનો ના કરવો પડે. જેથી બાઈક ઓનરશીપ સર્ટીફિકેટ, પોલ્યુશન સર્ટીફિકેટ, ડ્રાઈવિંગ લાયસન્સ, વેચાણ કરાર તથા અન્ય ડોક્યુમેન્ટ સાચવીને રાખવા.