ટેક્નોલોજી / આ કારણે તમારું બોલેલું તમારા મગજ સુધી પહોંચે છે, સમજો એકમેકનું જોડાણ

• મગજ શબ્દો અને વાક્યોને સાંભળે છે
• શબ્દો સાંભળીને અન્ય શબ્દોની પ્રતિક્રિયા મેળવે છે
• મગજની ગતિવિધિ સમજવું કમ્પ્યુટર માટે પણ છે મુશ્કેલ

એક શબ્દ પછી અન્ય શબ્દનું અનુમાન મગજ લગાવી લે છે

બ્રિટનની કેમ્બ્રિજ યુનિવર્સિટીના સંશોધકોએ આ અભ્યાસ માટે એક વિશેષ કમ્પ્યૂટર દ્વારા રિયલ ટાઇમમાં લોકોની મગજની ગતિવિધિનું પરીક્ષણ કર્યું. અભ્યાસ દરમિયાન જાણવા મળ્યું કે જ્યારે કોઇ પણ વાત બોલવામાં આવે છે તો તે વાક્યના શબ્દ ઝડપથી મગજના વિવિધ ભાગોમાં પ્રવેશે છે. એક શબ્દ સાંભળ્યા બાદ આપણું મગજ અનુમાન લગાવવામાં લાગી જાય છે કે તેના પછી સામેવાળી વ્યક્તિ તે શબ્દ સાથે સંબંધિત કયા અન્ય શબ્દ બોલી શકે છે અને એ આધારે વાક્યને સમજ્યા બાદ તેની પર પ્રતિક્રિયા આપે છે. આ પ્રક્રિયા ખૂબ જ ઝડપથી કામ કરે છે અને તેના આધાર પર લોકો એકબીજા સાથે સંવાદ સ્થાપિત કરી શકે છે.

મગજની ગતિવિધિ સમજવું કમ્પ્યુટર્સ માટે પણ મુશ્કેલ

કેમ્બ્રિજ યુનિવર્સિટીના સંશોધકો અને આ અભ્યાસના સહલેખક લોરેન ટાઇલરે જણાવ્યું કે શબ્દોના સંદર્ભને સમજવા અને ત્યાર બાદ તેની પર તત્કાળ પ્રતિક્રિયા આપવી એક જટિલ પ્રક્રિયા છે, પરંતુ આજે અમારી પાસે એવા કમ્પ્યૂટર છે, જે આ જટિલ પ્રક્રિયાને સરળતાથી સમજાવી શકે છે. મગજની દરેક ગતિવિધિ સમજવી હાલના કમ્પ્યૂટર્સ માટે પણ કઠિન છે, કેમ કે મગજની અંદર ઘણી જટિલ પ્રક્રિયાઓ ચાલતી રહે છે.