દિલ્હી / ચાર્જ સંભાળતાં જ કેજરીવાલ એક્શન મોડમાં, આપી એવી સેવાને મંજૂરી કે કહેશો વાહ અરવિંદજી!

• કેજરીવાલે ગેરંટી કાર્ડના મુદ્દાઓ પર અમલ કરવા આદેશ આપી દીધા છે
• અધિકારીઓ સરકારની યોજનાનો જલ્દી અમલ કરવા તત્પર
• ગેરંટી કાર્ડ ઉપરાંતના નવા 3 મુદ્દા પણ અમલમાં મુકશે

પહેલાથી ચાલતી યોજનાઓ યથાવત રાખી છે

દિલ્હીમાં કેજરીવાલે ચૂંટણી દરમિયાન ગેરંટી કાર્ડમાં 10 યોજનાઓ રજૂ કરી હતી. તેમાં કોઈ પણ છેડછાડ કર્યાં વગર જ તેમણે 3 નવા કામને પણ જોડી લીધા. કેજરીવાલે વિદ્યાર્થીઓને બસની મફત મુસાફરી, 24 કલાક પાણી, યમુના નદીની સફાઈ  અને મોહલ્લા માર્શલની નિયુક્તી પર ફોકસ કરવાની સાથે દિલ્હીને ગંદકી મુક્ત કરવા પણ કામ કરશે. કેજરીવાલે અધિકારીઓને ગેરંટી કાર્ડના મુદ્દાઓ પર અમલ કરવા આદેશ આપી દીધા છે. જ્યારે પહેલાથી ચાલતી યોજનાઓ યથાવત રાખી છે.

 

દિલ્હીવાસીઓને આપવામાં આવી 10 ગેરંટી અને નવા મોટા કામ

• વિશ્વસ્તરે પ્રવાસન વ્યવસ્થાનું નિર્માણ, વિદ્યાર્થીઓને મફત પ્રવાસની જોગવાઈ
• મહિલા સુરક્ષા સર્વોપરિ, દરેક જગ્યાએ મોહલ્લા માર્શલ ફરજ બજાવશે
• સ્વચ્છ તથા અવિરલ હશે યમુનાના પ્રવાહો
• 24 કલાક સાફ પાણી આપશે, 20 હજાર લીટર મુફત પાણી મળતું રહશે

કરીયાણાની ઘેર ઘેર ડિલીવરી યોજનાનો પ્રસ્તાવ આવી શકે છે 

કેબિનેટની પેલી બેઠક કેજરીવાલની અધ્યક્ષતામાં યોજાનારી બેઠકમાં ખાદ્ય પુરવઠા વિભાગ તરફથી કરિયાણાની ડોર સ્ટેપ ડિલીવરી યોજના સાથે જોડાયેલો પ્રસ્તાવ આવી શકે છે. કેમ કે ખાધ્ય અને નાગરિક પુરવઠા મંત્રી ઈમરાન હુસેન આને જલ્દીથી લાગુ કરવા માંગે છે. આ કેજરીવાલની મહત્વકાંક્ષી યોજના રહી છે. 

આ નેતા બની શકે છે અધ્યક્ષ

બીજી તરફ સાતમી વિધાન સભાનું પહેલું સત્ર બોલાવવા પ્રસ્તાવ રજુ કરવામાં આવશે. ત્યારે વિધાનસભા અધ્યક્ષની  પસંદગી પણ કરવામાં આવશે.  સૂત્રોના જણવ્યાનું સાર જે રીતે કેજરીવાલે નવી સરકારમાં જૂના કેબિનેટને રાખ્યા છે. તે જ રીતિ વિધાનસભા અધ્યક્ષ તરીકે રામ નિવાસ ગોયલને ફરીથી જવાબદારી સોંપી શકે છે.