- ફેજ ફેસ્ટિવલમાં જાવેદ અખ્તરે પાકિસ્તાનના આતંકવાદીઓને લીધા આડેહાથ
- પાડોશી દેશને 26-11 મુંબઈ હુમલાની યાદ અપાવતા જાવેદે અરીસો બતાવ્યો
- આતંકવાદી તમારા દેશમાં ખુલ્લેઆમ ફરી રહ્યાં છે: જાવેદ અખ્તર
જાવેદ અખ્તરે પાકિસ્તાનના આતંકવાદીઓને શરણ આપવા માટે ટીકા કરી
કંગનાએ ટ્વિટ કરી લખ્યું, જય હિન્દ જાવેદ અખ્તર સાહેબ. ઘરમાં ઘુસીને માર્યા... હાહાહા... પાકિસ્તાન વિરુદ્ધ ગીતકાર જાવેદ અખ્તરે એવુ તીખુ નિવેદન આપ્યું છે, જેની આખા દેશમાં ચર્ચા થઇ રહી છે. પાડોશી દેશને 26-11 મુંબઈ હુમલાની યાદ અપાવતા જાવેદે અરીસો બતાવ્યો. તેમણે કહ્યું, આતંકવાદી તમારા દેશમાં ખુલ્લેઆમ ફરી રહ્યાં છે. આ નિવેદનને લઇને જાવેદ અખ્તરના ભારતમાં ખૂબ વખાણ થઇ રહ્યાં છે. ગીતકાર વિરુદ્ધ બોલનારી કંગના રનોત પણ તેમના સમર્થનમાં આવી ગઇ છે. જાવેદ અખ્તરના વખાણ કરતા કંગનાએ પોસ્ટ પણ લખી છે.
કંગનાએ કર્યા જાવેદ અખ્તરના વખાણ
કંગના રનોતે ટ્વિટ કરી લખ્યું, જ્યારે હું જાવેદ સાહેબની કવિતા સાંભળુ છુ તો લાગતુ હતુ કે કેવીરીતે માં સરસ્વતીજીની તેમની પર આટલી કૃપા છે. પરંતુ જુઓ માણસમાં થોડી હકીકત તો હોય છે ત્યારે તેની સાથે સત્ય હોય છે. જય હિંદ જાવેદ અખ્તર સાહેબ. ઘરમાં ઘુસીને માર્યા.... હાહાહા.. કંગના રનોતે જાવેદ અખ્તરના વખાણ કર્યા તો ઘણા લોકોને આશ્ચર્ય સર્જાયુ. કારણકે જાવેદ અખ્તર અને કંગના રનોત વચ્ચે વર્ષોથી વિવાદ ચાલી રહ્યો છે. જે રીતે કંગનાએ જાવેદ અખ્તર સાથે પોતાના વિવાદ અને પહેલાની ભૂલોને ભૂલાવીને તેમના વખાણ કર્યા છે, યુઝર્સે કંગનાના વખાણ કર્યા છે.
જાવેદે પાકિસ્તાન જઇને શું કહ્યું?
જાવેદ અખ્તરે ફેજ ફેસ્ટિવલમાં કહ્યું, અમે તો નુસરત અને મહેદી હસનના મોટા-મોટા કાર્યક્રમો કર્યા. પરંતુ તમારા દેશમાં તો લતા મંગેશકરનો કોઈ કાર્યક્રમ ના થયો. તો હકીકત એ છે કે આપણે એકબીજા પર આક્ષેપ ના કરીએ, મહત્વની વાત એ છે કે આજકાલ જે ફિજા આટલી ગરમ છે, તે ઓછી હોવી જોઈએ. અમે તો મુંબઈના લોકો છે, અમે તો જોયુ છે અમારા શહેર પર કેવીરીતે હુમલો થયો હતો. તે લોકો નોર્વેથી પણ નહોતા આવ્યાં અને ઈજિપ્તથી પણ નહોતા આવ્યાં. તેઓ હજી પણ તમારા દેશમાં ફરી રહ્યાં છે. તો આ ફરિયાદ દરેક ભારતીયના મગજમાં હોય તો તમારે ખોટુ ના લગાડવુ જોઈએ.
