હેર કેર / દરરોજ સુતા પહેલા કરી લો બસ આ કામ, અટકશે ખરતા વાળ અને થશે મજબૂત અને સુંદર

• વધી ગઈ છે વાળ ખરવાની સમસ્યા? 
• તો આ રીતે કરો તેની કેર 
• દરરોજ સુતા પહેલા કરી લો બસ આ કામ

ઉનાળો શરૂ થવા જઈ રહ્યો છે અને ઉનાળાની ઋતુમાં વાળની ​​ખાસ કાળજી લેવી જરૂરી છે. ઉનાળામાં વાળમાં વધારે પડતો પરસેવો થાય છે. જેના કારણે આપણે તેને સાફ કરવા માટે દરરોજ શેમ્પૂનો ઉપયોગ કરવાનું શરૂ કરીએ છીએ.

આના કારણે વાળનું કુદરતી ઓઈલ ઓછું થવા લાગે છે અને વાળ ડ્રાય અને ફ્રઝી થવા લાગે છે. એવામાં જો તમે ઈચ્છો છો કે તમારા વાળ વધારે તૂટે નહીં તો રાત્રે આટલું કામ જરૂર કરો. 

સુતા પહેલા કરો આટલું કામ 
ઘણા લોકોની આદત હોય છે તે વાળને ખૂબ જ મજબૂતાઈથી બાંધીને સુવે છે પરંતુ આમ ન કરો કારણ કે ફીટ બાંધવાથી વાળ તૂટવા લાગે છે. માટે સુતી વખતે વાળને બાંધીને ન સુવો. 

જો તમે ઈચ્છો છો કે તમારા વાળ મજબૂત થાય તો સુતા પહેલા વાળને સારી રીતે કોમ કરી લો. સુતા પહેલા વાળમાં સીરમ જરૂર લગાવો આમ કરવાથી તે ઘુચાશે નહીં અને તૂટતા અટકશે. 

આ વાત પર આપો ધ્યાન
જો તમારા વાળ પુષ્કળ પ્રમાણમાં ખરતા હોય અને અમુક જગ્યાએ સ્કેલ્પ પણ દેખાવાની શરૂ થઈ ગઈ હોય તો ટાલ પણ પડી શકે છે. માટે જો તમારા વાળ વધુ પડતા ખરે છે તો આયર્ન રિચ ડાયેટ લેવાનું શરૂ કરો.  હેઅર ફોલ અને હેઅર લોસની પ્રોબ્લેમથી છૂટકારો મેળવવા માટે ડાયટમાં આયર્ન રિચ ફૂડ્સ ખાઓ.

જેમાં બ્રોકલી, પાલક, લીલાં શાકભાજી સહિત દાળો, બીન્સ, નટ્સ, સીડ્સ, બ્રાઉન રાઈસ, હોલ વીટ લોટ અને ડ્રાય ફ્રૂટ્સને સામેલ કરો. આ સિવાય ડાયટમાં સોયાબીન, ખજૂર, ગોળ, અંજીર, વટાણા, ઈંડા, મીટ, કાબુલી ચણા, પમ્પકીન સીડ્સ, તલ પણ સામેલ કરો.

Disclaimer
આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.