વીર જવાનો / J&Kમાં સુરક્ષાકર્મીઓને મળી મોટી સફળતા: લશ્કર-એ-તૈયબાનાં 2 આતંકીઓને જીવતા પકડ્યા, ચેકિંગ દરમિયાન શક ગયો અને..

• પોલીસે ઉરી વિસ્તારમાંથી 2 આતંકીઓની ધરપકડ કરી 
• લશ્કર-એ-તૈયબાનાં લશ્કરને હથિયારો સપ્લાય કરતાં હતાં 
• પિસ્તોલ, ગ્રેનેડ સહિત હથિયારો પણ જપ્ત કરવામાં આવ્યાં

છેલ્લા ત્રણ દિવસથી જમ્મુ કાશ્મીરમાં ભારતીય સેનાની આતંકીઓ સાથે અથડામણ ચાલી રહી છે. તેવામાં  જમ્મૂ-કાશ્મીરનાં બારામૂલા જિલ્લામાં લશ્કર-એ-તૈયબાનાં એક આતંકી મોડ્યૂલનો ખુલાસો કરવામાં આવ્યો છે. આ દરમિયાન પોલીસે 2 આતંકીઓની ધરપકડ કરી છે. તેમની પાસે રહેલ હથિયારો અને બોમ્બને પણ જપ્ત કરવામાં આવ્યાં છે. 

2 આતંકી સહયોગીઓની ધરપકડ
પોલીસે આજે એટલે કે શુક્રવારે જાણકારી આપતાં કહ્યું કે લશ્કર-એ-તૈયબાનાં 2 આતંકી સહયોગીઓને ઉત્તરી કાશ્મીરમાં બારામૂલાનાં ઉરી વિસ્તારથી પકડી પાડવામાં આવ્યાં છે. તેમણે કહ્યું કે તેમની પાસેથી 2 પિસ્તોલ અને 5 હેન્ડ ગ્રેનેડ સહિત કેટલીક આપત્તિજનક સામગ્રીઓ જપ્ત કરવામાં આવી છે.

સીમા પાર હથિયારો પહોંચાડવાનું કામ કરતાં હતાં
પોલીસ અનુસાર જૈદ હસન મલ્લા અને મોહમ્મદ આરિફ ચન્ના બારામૂલાનાં નિવાસી છે. તેમણે કહ્યું કે બંને સીમા પાર પાકિસ્તાન સ્થિત પોતાના આકાઓનાં ઈશારા પર હથિયાર અને બોમ્બની તસ્કરી કરતાં હતાં અને આતંકી ગતિવિધિઓને અંજામ આપવા માટે આ હથિયાર અને બોમ્બને લશ્કરનાં આતંકવાદીઓ સુધી પહોંચાડવાનું કામ કરતાં હતાં.

પોલીસને જોતાં ભાગ્યા આતંકીઓ
પોલીસે કહ્યું કે ઉરીનાં પરનપીલન પુલમાં નાકાની તપાસ દરમિયાન સંયુક્ત ટીમે 2 સંદિગ્ધ વ્યક્તિઓને જોયા. તેઓ દાચીથી પરનપીલન પુલની તરફ આવી રહ્યાં હતાં અને પોલીસને જોતાં બંને ભાગવાનો પ્રયાસ કરી રહ્યાં હતાં પરંતુ સંયુક્ત ટીમે તેમને પકડી પાડ્યાં.

આ હથિયારો મળી આવ્યાં
પોલીસ અનુસાર આ બંને પાસેથી 2 ગ્લોક પિસ્તોલ, 2 પિસ્તોલ મેગઝીન, 2 પિસ્તોલ સાયલેંસર, 5 ચીન નિર્મિત ગ્રેનેડ અને 28 કારતૂસ જપ્ત કર્યાં.