- બિહારમાં આવતીકાલે 4 વાગ્યે મહાગઠબંધનની સરકારની શપથવિધિ
- બપોરે 2 વાગ્યે નીતિશ કુમાર સીએમ તરીકે અને તેજસ્વી યાદવ ડેપ્યુટી સીએમ પદના લેશે શપથ
- જેડીયુ-આરજેડી સહિત સાત પાર્ટીઓની બનશે સરકાર
આખરે નીતિશ કુમાર મહાગઠબંધનની સરકારના મુખ્યમંત્રી બનવા જઈ રહ્યાં છે તે અંગેની તારીખ જાહેર કરાઈ છે. આવતીકાલે એટલે કે બુધવારના બપોરના 2 વાગ્યે નીતિશ કુમાર સીએમ તરીકે અને તેજસ્વી યાદવ ડેપ્યુટી સીએમ તરીકે શપથ લેશે.
સાંજના 4 વાગ્યે મહાગઠબંધન સરકારની શપથવિધિ
મુખ્યમંત્રી અને ડેપ્યુટી મુખ્યમંત્રીની શપથવિધિ બાદ સાંજના 4 વાગ્યે મહાગઠબંધન સરકારની શપથવિધિ યોજાશે.
જેડીયુ-આરજેડી સહિત 7 પાર્ટીઓની બનશે સરકાર
આવતીકાલે ચાર વાગ્યે નીતિશ કુમાર મહાગઠબંધનના મુખ્યમંત્રી તરીકે શપથ લઈ રહ્યાં છે જોકે તેઓ 7 પાર્ટીઓના ટેકાથી સરકાર બનાવશે. એટલે કે તેમની સરકારને જેડીયુ સહિત સાત પાર્ટીઓ સપોર્ટ કરશે.
નીતિશે રાજ્યપાલને 167 ધારાસભ્યોનો સમર્થન પત્ર આપ્યો
ભાજપ સાથેનું ગઠબંધન તોડ્યા બાદ નીતિશ કુમારે રાજ્યપાલને મળીને રાજીનામું સોંપ્યું હતું ત્યાર બાદ તેઓ સીધા રાબડી આવાસમાં જઈને તેજસ્વી યાદવને મળ્યાં હતા અને સરકાર રચવાને લઈને ચર્ચા કરી હતી. ચર્ચા સફળ રહ્યાં બાદ નીતિશ અને તેજસ્વી સીધા રાજભવન પહોંચ્યાં હતા અને રાજ્યપાલ ફાગુ ચોહાણને 167 ધારાસભ્યોના સમર્થન પત્ર સોંપ્યો હતો. રાજ્યપાલે તેમનું રાજીનામુ સ્વીકારીને તેમને આવતીકાલે સરકારની રચવાનું આમંત્રણ આપ્યું હતું.
બિહારમાં હવે જેડીયુ-આરજેડી-કોંગ્રેસની મહાગઠબંધન સરકાર
બિહારમાં હવે જેડીયુ-આરજેડી-કોંગ્રેસની મહાગઠબંધન સરકારની રચના થવા જઈ રહી છે. ભાજપ સાથેનું ગઠબંધન તોડ્યા બાદ નીતિશ કુમારે સીએમ પદેથી રાજીનામું આપ્યું હતું અને તેમણે 160 ધારાસભ્યોનું સમર્થન હોવાનો દાવો કર્યો હતો. રાજીનામું આપ્યા બાદ નીતિશ કુમાર સીધા રાબડીદેવી આવાસ પહોંચ્યાં હતા અને ત્યાં તેઓ લાલુના પરિવારને મળ્યાં હતા.
2017માં જે બન્યું હતું તે ભૂલી જઈએ-નીતિશે તેજસ્વી યાદવને કહ્યું
બેઠકમાં નીતિશે તેજસ્વી યાદવ સાથે સરકાર રચવાની ચર્ચા કરી હતી. તેમણે તેજસ્વી યાદવને એવું પણ કહ્યું કે આપણે 2017માં જે બન્યું હતું તે ભૂલી જઈને હવે નવેસરથી શરુ કરવું જોઈએ.
