OMG / પિતા કરી શકશે દીકરી સાથે લગ્ન, આ દેશની સંસદે પસાર કર્યું બિલ

• ઇરાનની સંસદે પાસ કર્યું અનોખું બિલ
• બાપ દત્તક લીધેલ દીકરી સાથે કરી શકશે લગ્ન
• ઠેર-ઠેર બિલનો થયો વિરોધ

બિલનો થયો વિરોધ

ઈરાનમાં, 22 સપ્ટેમ્બરના રોજ આ બિલ પસાર કરવામાં આવ્યું હતું. આ દેશમાં કાર્યરત ઘણા કાર્યકરોએ પણ આ બિલનો વિરોધ કર્યો હતો. તે જ સમયે,જસ્ટિસ ફોર ઈરાન માટે લંડન સ્થિત જૂથના માનવાધિકાર વકીલ શદી સદરે(Shadi Sadr) ધ ગાર્ડિયનને જણાવ્યું હતું કે, 'આ બિલ પેડોફિલિયા (બાળ શોષણ ગેરકાયદેસર) ને કાયદેસર બનાવી રહ્યું છે. 

દત્તક લીધેલી દીકરી સાથે લગ્ન કરવા એ ઇરાની સંસ્કૃતિનો ભાગ નથી

તમારી દત્તક પુત્રી સાથે લગ્ન કરવા એ ઇરાની સંસ્કૃતિનો ભાગ નથી. વિશ્વના હાજર અન્ય દેશોની જેમ ઈરાનમાં પણ વ્યભિચાર છે, પરંતુ આ બિલ ઈરાનમાં બાળકો સામેના ગુનાઓ વધારવાનું છે. જો પિતા તેની દત્તક લીધેલી સગીર પુત્રી સાથે લગ્ન કરશે અને સેક્સ કરશે, તો તે બળાત્કાર છે.

બિલ પાસ કરવાનો હેતુ શું ?

શદી સદરના જણાવ્યા મુજબ, ઇરાનના કેટલાક અધિકારીઓનું માનવું છે કે, આ બિલને પાસ કરવાનો હેતુ હિઝાબની પરેશાની સુધારવાનો છે, કારણ કે, દત્તક લીઘેલ દીકરીને પિતાની સામે હિઝાબ પહેરવો પડે છે અને દત્તક લીધેલા દિકરાની સામે માંએ હિઝાબ પહેરવો પડે છે. 

ઇસ્લામી માન્યતાઓનો વિરોધ કરી છે બિલ

વધુમાં તેમણે કહ્યું કે, કેટલાક નિષ્ણાતોનું માનવું છએ કે, નવું બિલ ઇસ્લામી માન્યતાઓનો વિરોધ કરે છે અને અભિભાવક કાઉન્સિલ (ગાર્ડિયન કાઉન્સિલ) દ્વારા પસાર કરવામાં આવશે નહી. ઇરાનમાં બાળકોના અધિકારો અને સુરક્ષા કરતી સંસ્થાના વડા શિવા ડોલાતબાદી (Shiva Dolatabadi) આ બિલને લઇને ચેતવણી આપી છે કે, તેનાથી બાળકોમાં અપરાધનું પ્રમાણ વધશે. 

આપને જણાવી દઇએ કે, ઈરાનમાં 2010 માં, 10 થી 14 વર્ષની વચ્ચેના 42 હજાર બાળકોએ લગ્ન કર્યાં હતાં. ઇરાનની ન્યુઝ વેબસાઇટ તબનકના જણાવ્યા અનુસાર, 10 બાળકોથી ઓછી વયના 75 બાળકોના લગ્ન ફક્ત તેહરાનમાં થયા હતા.