IPL Auction 2024 / IPLની હરાજી પ્રક્રિયામાં થઈ મોટી ભૂલ! ઓક્શનર મલ્લિકાની એક ચૂકના કારણે RCBને પડ્યું મોટું નુકસાન, આખરે બન્યું શું?

• IPL 2024 મિની ઓક્શન રોમાંચક
• નિલામીમાં પહેલી વખત મહિલા ઓક્શનર
• મલ્લિકા સાગરે જોરદાર ભૂમિકા ભજવી

IPL 2024 માટે મિની ઓક્શન આજે દુબઈમાં સમાપ્ત થયો. આ વખતે નિલામી ઓક્શનર તરીકે પહેલીવાર કોઈ મહિલા નજર આવી. આ ભૂમિકા મલ્લિકા સાગરે નિભાવી છે. પણ નિલામી પ્રક્રિયા દરમિયાન તેનાથી એક મોટી ભૂલ થઈ ગઈ. મલ્લિકાની ભૂલને લીધે RCBને 20 લાખ રૂપિયાનું નુક્સાન થઈ ગયું. આ ભૂલ ત્યારે થઈ જ્યારે વેસ્ટઈંડીઝનાં સ્ટાર તેજ બોલર અલ્ઝારી જોસેફને લઈને બોલી લાગી રહી હતી.

That's a GRAND return to the IPL for Mitchell Starc 😎

DO NOT MISS the record-breaking bid of the left-arm pacer who will feature for @KKRiders 💜💪#IPLAuction | #IPL pic.twitter.com/D1A2wr2Ql3

— IndianPremierLeague (@IPL) December 19, 2023

જોસેફ માટે આ ટીમોની વચ્ચે ચાલી જંગ
અલ્ઝારીની બેઝ પ્રાઈઝ 1 કરોડ રૂપિયા હતી અને તેમને રોયલ ચેલેંજર્સ બેંગલોરે 11.50 કરોડ રૂપિયાની બોલી લગાડીને ખરીદ્યું છે. જોસેફે 11.50 કરોડની સાથે IPLમાં વેસ્ટઈંડીઝનાં દ્વિતીય સૌથી મોઘા ખેલાડી બની ગયાં છે. તેમની આગળ કેવલ નિકોલસ પૂરન છે જેમને સનરાઈઝર્સ હૈદ્રાબાદથી IPL 2023માં 16 કરોડ રૂપિયા મળ્યાં હતાં. જોસેફ પર બોલી લગાડવાની શરૂઆત ચેન્નઈ સુપર કિંગ્સે કરી હતી. તેમની ટક્કર દિલ્હી કેપિટલ્સ સાથે થઈ. 3 કરોડ રૂપિયા સુધી બોલી પહોંચી તો ચેન્નઈની ટીમ હટી ગઈ. પણ લખનઉ સુપર જાયન્ટ્સ અને RCBની એન્ટ્રી થઈ.  આ તમામ બોલી 6.40 કરોડ રૂપિયા સુધી પહોંચી ગઈ. 

અહીં થઈ મલ્લિકાથી ગડબડ
આ દરમિયાન મલ્લિકાથી મોટી ભૂલ થઈ ગઈ. બોલી થોડીવાર માટે અટકી હતી અને ફરી RCBએ પેડલ ઊઠાવીને બોલી લગાડવાનું શરૂ કર્યું. પણ મલ્લિકા આગલી બોલીનો ભાવ 6.60 કરોડ રૂપિયા બોલવાનો હતો તેની જગ્યાએ તે 6.80 કરોડ રૂપિયા બોલી ગઈ. અહીં આ બોલી ચાલતી રહી જે 11.50 કરોડ પર આવીને અટકી. RCBએ જોસેફને ખરીદી તો લીધું પણ તેમને 20 લાખ રૂપિયાનું નુક્સાન થઈ ગયું. જો કે પણ આવી ભૂલો તો પહેલા પણ ઘણી વખત જોવા મળી છે. પાછલા ઓક્શનમાં જ આવી ભૂલ થઈ હતી.