ગુજરાત ટાઇટન્સ ટીમ લખનૌ સુપર જાયન્ટ્સ સામે ક્યારેય હારી નથી પરંતુ રવિવારે તે બદલાય ગયું અને ગુજરાતની ટીમ હારી. લખનૌ સુપર જાયન્ટ્સે માત્ર 163 રન બનાવીને પણ ગુજરાતને જીતવા ન દીધું. લખનૌએ યશ ઠાકુર અને કૃણાલ પંડ્યાની બોલિંગના કારણે ગુજરાતને 130 રન જ બનાવવા દીધા હતા. એવામાં મેચ બાદ ગુજરાત ટાઇટન્સના કેપ્ટન શુભમન ગિલે બોલરને સારા ગણાવ્યા હતા પરંતુ હાર માટે નબળી બેટિંગને જવાબદાર ગણાવી હતી.
IPLના ઈતિહાસમાં લખનૌ સુપર જાયન્ટ્સની ગુજરાત ટાઈટન્સ પર આ પ્રથમ જીત છે. મેચ બાદ ગિલે કહ્યું કે 'મને લાગે છે કે વિકેટ બેટિંગ માટે સારી હતી પરંતુ અમારી બેટિંગ ખરાબ હતી. અમે સારી શરૂઆત કરી પરંતુ વચ્ચેની ઓવરોમાં વિકેટો ગુમાવી જેમાંથી અમે મેચમાં ફરી પકડ જમાવી શક્યા નહતા.'
ગિલને જ્યારે તેના આઉટ થવા વિશે પૂછવામાં આવ્યું તો તેણે કહ્યું, 'મને લાગ્યું કે આ પાવરપ્લેની છેલ્લી ઓવર છે અને હું તેનો અહીં શક્ય તેટલો ઉપયોગ કરવા માંગતો હતો પણ હું બોલ ચૂકી ગયો. પરંતુ અમારા બોલરોને અહીં બોલિંગ કરતા જોઈને ખૂબ આનંદ થયો. અમે તેમને 160-165 પર રોકવાની આશા રાખતા હતા.'
IPL 2024 ની 21મી મેચમાં લખનૌ સુપર જાયન્ટ્સ સામે 33 રનથી મળેલી હાર માટે ગુજરાત ટાઇટન્સના કેપ્ટન શુભમન ગીલે તેના બેટ્સમેનોને જવાબદાર ઠેરવ્યા હતા.નોંધનીય છે કે ગુજરાતની પ્રથમ વિકેટ 54 રન પર પડી હતી. પરંતુ આ પછી તેણે સતત વિકેટ ગુમાવી. સ્કોર 80 રન થયો ત્યાં સુધીમાં તેની અડધી ટીમ પેવેલિયન પરત ફરી ગઈ હતી. 102 રન સુધી તેની 8 વિકેટ પડી ગઈ હતી. મધ્ય ઓવરોમાં સતત વિકેટ ગુમાવવી ગુજરાતને મોંઘી પડી.
વધુ વાંચો: VIDEO: પૃથ્વી શૉ હેરાન! બૂમરાહના યોર્કર બોલનો કોઈ તોડ નથી, સીધા ડાંડિયાડૂલ
સાથે જ ઓલરાઉન્ડર માર્કસ સ્ટોઇનિસ (58 રન)ની અડધી સદી બાદ યશ ઠાકુરના શાનદાર પ્રદર્શન (30 રનમાં પાંચ વિકેટ)ના કારણે એલએસજીએ ગુજરાત ટાઇટન્સને 33 રનથી હરાવ્યું અને સતત ત્રીજી જીત નોંધાવી હતી.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
