IPL 2023 / 6,6,6,6,6... રિંકુના 'સિક્સર પંચ'થી ગુજરાત ટાઇટન્સનો પરાજય, KKRની જીત, જુઓ VIDEO

• કોલકાતા નાઈટ રાઈડર્સના બેટ્સમેન રિંકુ સિંહે કર્યો કમાલ 
• સતત પાંચ સિક્સર ફટકારીને ત્રણ વિકેટથી જીત અપાવી 
• કોલકાતા નાઈટ રાઈડર્સને જીતવા માટે 29 રનની જરૂર હતી

IPL 2023 : અમદાવાદના નરેન્દ્ર મોદી સ્ટેડિયમમાં કોલકાતા નાઈટ રાઈડર્સ અને ગુજરાત ટાઈટન્સ વચ્ચે આઈપીએલની મેચ રમાઈ હતી. કોલકાતા નાઈટ રાઈડર્સના બેટ્સમેન રિંકુ સિંહે ઈન્ડિયન પ્રીમિયર લીગમાં તે કારનામું કર્યું, જે કોઈએ વિચાર્યું પણ નહીં હોય. આ મેચમાં પહેલા બેટિંગ કરીને ગુજરાત ટાઈટન્સે 205 રન કર્યાં હતા તો કોલકાતાની ટીમે છેલ્લી ઓવરમાં આ મેચ જીતી લીધી હતી. કોલકાતાના ખેલાડી રિંકૂ સિંહ આ જીતનો હીરો બન્યો છે. 

𝗥𝗜𝗡𝗞𝗨 𝗦𝗜𝗡𝗚𝗛! 🔥 🔥

𝗬𝗼𝘂 𝗔𝗯𝘀𝗼𝗹𝘂𝘁𝗲 𝗙𝗿𝗲𝗮𝗸! ⚡️ ⚡️

Take A Bow! 🙌 🙌

28 needed off 5 balls & he has taken @KKRiders home & how! 💪 💪

Those reactions say it ALL! ☺️ 🤗

Scorecard ▶️ https://t.co/G8bESXjTyh #TATAIPL | #GTvKKR | @rinkusingh235 pic.twitter.com/Kdq660FdER

— IndianPremierLeague (@IPL) April 9, 2023

સતત પાંચ સિક્સર ફટકારીને ત્રણ વિકેટથી જીત અપાવી 
રવિવારે (9 એપ્રિલ) નરેન્દ્ર મોદી સ્ટેડિયમમાં રમાયેલ ગુજરાત ટાઇટન્સ સામે રમાયેલી મેચમાં રિંકુ સિંહે કોલકાતા નાઇટ રાઇડર્સને છેલ્લી ઓવરમાં સતત પાંચ સિક્સર ફટકારીને ત્રણ વિકેટથી જીત અપાવી હતી. જણાવી દઈએ કે મેચની છેલ્લી ઓવરમાં કોલકાતા નાઈટ રાઈડર્સને જીતવા માટે 29 રનની જરૂર હતી અને એ સમયે છેલ્લી ઓવર યશ દયાલની હતી તે ઓવરમાં પહેલા બોલ પર ઉમેશ યાદવે એક રન લઈને રિંકુ સિંહને સ્ટ્રાઈક આપી હતી. ત્યારબાદ બેટ્સમેન રિંકુએ મેચમાં સિક્સરનો એવો વરસાદ કર્યો કે ગુજરાતની ટીમ જોતી જ રહી ગઈ. 

"Because he's the Knight #KKR deserves and the one they need right now" - Rinku Singh 😎#GTvKKR #TATAIPL #IPLonJioCinema | @KKRiders pic.twitter.com/b1QrN3fLjX

— JioCinema (@JioCinema) April 9, 2023

નોંધનીય છે કે રિંકુ સિંહ 21 બોલમાં 48 રન બનાવ્યા બાદ અણનમ રહ્યો જેમાં છ સિક્સર અને એક ફોરનો સમાવેશ થાય છે. 

રાશિદ ખાનની હેટ્રિક વ્યર્થ ગઈ
જણાવી દઈએ કે ઈમ્પેક્ટ પ્લેયર વેંકટેશ અય્યરે પણ કોલકાતા નાઈટ રાઈડર્સની જીતમાં મહત્વની ભૂમિકા ભજવી હતી. વેંકટેશ અય્યરે 40 બોલમાં 83 રનની ધમાકેદાર ઇનિંગ રમી હતી જેમાં તેને આઠ ચોગ્ગા અને પાંચ છગ્ગા ફટકાર્યા હતા. જો કે વેંકટેશના આઉટ થયા પછી અચાનક રમતમાં વળાંક આવ્યો અને ગુજરાતના કેપ્ટન રાશિદ ખાને હેટ્રિક વિકેટ લીધી હતી. સાત વિકેટ પડ્યા બાદ ગુજરાતનો વિજય નિશ્ચિત જણાતો હતો પણ રિંકુએ મેચ પલટી દીધી હતી. 

Rinku Singh ke five six pic.twitter.com/aWl87jyKxZ

— Ajeetpal j (@AjeetpalJ88481) April 9, 2023

ગુજરાતે આપ્યો હતો 205 રનનો ટાર્ગેટ 
ટોસ જીતીને પહેલા બેટિંગ કરતા ગુજરાત ટાઇટન્સે 20 ઓવરમાં ચાર વિકેટે 204 રન બનાવ્યા હતા જેમાં વિજય શંકરે ચાર ચોગ્ગા અને પાંચ છગ્ગા સાથે 24 બોલમાં 63 રનની ઇનિંગ રમી હતી. શંકરે છેલ્લી ઓવરમાં સતત ત્રણ સિક્સર ફટકારી હતી. ગુજરાત તરફથી સાંઈ સુદર્શને પણ 38 બોલમાં 53 રનની ઇનિંગ રમી હતી.