ડીસા / 5 દિવસ માવઠાના એંધાણ થતાં ખેડૂતો અને માર્કેટયાર્ડના વેપારીઓ માટે સૂચના જાહેર, નુકસાનીથી બચવાની 'આગાહી'

• આગામી તા. 24 થી 28 નવેમ્બર દરમ્યાન રાજ્યમાં માવઠાની આગાહી
• માવઠાને લઈ ખેડૂતો અને માર્કેટયાર્ડનાં વેપારીઓને સૂચના
• ખેતરમાં ખુલ્લામાં પડેલા ઘાસચારાને અને અન્ય માલને ઢાંકે તેવી સૂચના

 આગામી તા. 24 થી 28 નવેમ્બર સુધી રાજ્યમાં માવઠાની આગાહી કરવામાં આવી છે. ડીસામાં માવઠાની આગાહીને લઈ ખેડૂતોને પોતાનો માલ વેચવા આવે તો તાડપત્રી ઢાંકી અને સુરક્ષિત રાખે તેવી સૂચના આપવામાં આવી છે. તેમજ વેપારીઓ પણ ખેડૂતોનો માલ સુરક્ષીત અને ઢાંકી રાખે તેવી સૂચના ડીસા એપીએમસી દ્વારા અપાઈ છે. તેમજ ખેડૂતો પોતાનાં ખેતરમાં ખુલ્લામાં પડેલા ઘાસચારાને અન્ય માલને ઢાંકે તેવી સૂચના પણ આપવામાં આવી છે. 

તા. 24.11 2023 નાં રોજ દક્ષિણ ગુજરાતનાં સુરત, નવસારી, ડાંગ, વલસાડ, દાદરા અને નગર હવેલીમાં ગાજવીજ સાથે હળવો વરસાદ પડવાની શક્યતા ચે. 

તા. 25.11.2023 નાં રોજ ગાજવીજા સાથે આણંદ, પંચમહાલ, દાહોદ, વડોદરા, છોટા ઉદેપુર, ભરૂચ, નર્મદા, સુરત, તાપી,  નવસારી, ડાંગ, વલસાડ, દાદરા અને નગર હવેલીમાં ગાજવીજ સાથે હળવાથી મધ્ય વરસાદ પડવાની શક્યતા છે.

તા. 27.11.2023 નાં રોજ જૂનાગઢ, ગીર સોમનાથ, અમરેલી, ભાવનગર, નવસારી, ડાંગ, વલસાડ, દમણ સહિતનાં વિસ્તારોમાં ગાજવીજ સાથે હળવો વરસાદ પડવાની શક્યતા છે.