દેશ / જોતી રહી જશે દુનિયા, ભારતના દુશ્મનોને લાગશે મરચાં! G20 બાદ રિપબ્લિક ડે પરેડમાં પણ ત્રણ સુપરપાવર દેશોના નેતા સામેલ થાય તેવી તૈયારીઓ

• ગણતંત્ર દિવસે સરકાર કરી શકે છે મોટું કામ
• ઊજવણી માટે QUAD નેતાઓને આપી શકે છે આમંત્રણ
• 4 મોટા નેતાઓને એકસાથે જોઈને ચીનને દાઝ ચડવું સ્વાભાવિક

મીડિયા રિપોર્ટ અનુસાર સરકાર આવનારા ગણતંત્ર દિવસ સમારોહ માટે QUAD સમૂહનાં નેતાઓને આમંત્રિત કરવા પર વિચાર કરી રહી છે. સૂત્રો અનુસાર અંતિમ નિર્ણય તો શીર્ષ નેતાઓની ઉપલબ્ધતા બાદ લેવામાં આવશે. પરંતુ જો આવું થઈ જાય છે તો PM મોદી, બાઈડન, ઓસ્ટ્રેલિયન PM એન્થની અલ્બનીઝ અને જાપાની પીએમ ફુમિયો કિશિદા એક મંચ પર એકસાથે નજરે પડશે.

ચીનને દાઝ ચડશે
સ્વાભાવિક છે કે જ્યારે QUAD સમૂહનાં આ ચાર મોટા નેતાઓ એકસાથે દેખાશે ત્યારે ચીનને દાઝ ચડશે. છેલ્લાં થોડા સમયમાં ભારત-ચીનનાં સંબંધોમાં વધુને વધુ કડવાશ આવી છે. LAC પર ચીન સતત આક્રમક બની રહ્યું છે. મોદી સરકાર આ મહાશક્તિશાળી દેશોનાં પ્રમુખોને જો એક જગ્યાએ એક મંચ પર સાથે લાવે છે તો એ ચીન માટે ઘણો મોટો મેસેજ બની જશે.

રાજકીય રણનીતિઓ
દરવર્ષે ગણતંત્ર દિવસ માટે મુખ્ય અતિથિની પસંદગી ચોક્કસ કારણોસર કરવામાં આવે છે. આ મુખ્ય અતિથિને નક્કી કરવા પાછળ પણ કેટલીક રણનીતિઓ હોય છે.  વ્યવસાયિક, રાજનૈતિક હિતોની સાથે આંતરરાષ્ટ્રીય પોલિટિક્સને પણ ધ્યાનમાં રાખવામાં આવે છે. સત્તાવાર આમંત્રણ એ પસંદ કરેલા નેતાઓની અનૌપચારિક ઉપલબ્ધતા સુનિશ્ચિત કર્યા બાદ જ મોકલવામાં આવે છે. મીડિયા રિપોર્ટ અનુસાર ભારત એ જ દિશામાં કામ કરી રહ્યું છે. 

3 નેતાઓ કાર્યક્રમોમાં વ્યસ્ત
હાલમાં આ ત્રણ નેતાઓ આગળનાં કાર્યક્રમમાં અતિ વ્યસ્ત છે. બાઈડન 2024નાં અંત સુધી ચૂંટણીની તૈયારીઓમાં રહેશે. અમેરિકામાં ચૂંટણીથી પહેલા જાન્યુઆરીમાં તેમનો છેલ્લો સ્ટેટ ઓફ ધ યૂનિયન સંબોધન હશે. તો ઓસ્ટ્રેલિયન સરકાર 26 જાન્યુઆરીનાં પોતાનો નેશનલ ડે પણ ઊજવે છે. આ દિવસે તેઓ મહાદ્વીપ પર પહેલી સ્થાયી યૂરોપિયન વસ્તીની સ્થાપનાનું સમ્માન કરે છે. જાપાનનાં સંસદ સેશન સામાન્યરીતે જાન્યુઆરીનાં છેલ્લાં અઠવાડિયા સુધી ચાલતાં હોય છે. PM કિશિદા બજેટ સત્ર પહેલાનાં સપ્તાહમાં ત્યાં હાજર રહી શકે છે.

ચીનનાં આક્રમક વ્યવહારએ ચારેયને એકસાથે કર્યું
હિંદ-પ્રશાંત ક્ષેત્રમાં ચીનનાં આક્રમક વ્યવહારે ચારેય દેશોને એકસાથે લાવ્યું છે. ચારેયનું સાથે આવવું ચીનને ખટકશે.  હાલમાં જી20 સમિટમાં પણ આ ત્રણેય નેતાઓ ભારત આવી રહ્યાં છે.