IND vs ENG / VIDEO: ચાલુ મેચમાં અમ્પાયર સાથે જ મસ્તી કરવા લાગ્યો રોહિત શર્મા, પૂછ્યો આવો સવાલ, વીડિયો વાયરલ

• કેપ્ટન રોહિત શર્મા ઘણીવાર મેદાન પર મસ્તી કરતો જોવા મળે છે.
• ટેસ્ટ મેચના બીજા દિવસે ટીમ ઈન્ડિયાની સ્થિતિ મજબૂત હતી. 
• રોહિતે અમ્પાયર પાસેથી ડીઆરએસ પર અભિપ્રાય માંગવાનું શરૂ કર્યું.

ટીમ ઈન્ડિયાના કેપ્ટન રોહિત શર્મા ઘણીવાર મેદાન પર મસ્તી કરતો જોવા મળે છે. ખાસ કરીને જ્યારે ભારતીય ટીમ મેદાન પર મજબૂત સ્થિતિમાં હોય ત્યારે રોહિત ખૂબ મસ્તીનાં મૂડમાં નજર આવે છે. ભારત અને ઈંગ્લેન્ડ વચ્ચે ચાલી રહેલી ટેસ્ટના બીજા દિવસે પણ આવું જ દ્રશ્ય જોવા મળ્યું હતું. અહીં રોહિતે અમ્પાયર પાસેથી ડીઆરએસ પર અભિપ્રાય માંગવાનું શરૂ કર્યું.

Rohit Sharma asks the umpire "What do you think" should it take when he was about to make a call on DRS 😂#CricketTwitter | #INDvsENG | #RohitSharma pic.twitter.com/iHB2liel7I

— CricWatcher (@CricWatcher11) February 3, 2024

ટેસ્ટ મેચના બીજા દિવસે ટીમ ઈન્ડિયાની સ્થિતિ મજબૂત હતી અને આ દરમિયાન રોહિતે પણ થોડી મસ્તી કરી. વાસ્તવમાં, બુમરાહે જો રૂટને એક શાનદાર બોલ પર આઉટ કર્યો હતો. અને પછી જોની બેરસ્ટોને અદ્ભુત યોર્કર ફેંક્યો. એવું લાગી રહ્યું હતું કે આ યોર્કર બેયરસ્ટોના ડિફેન્સમાં ઘૂસી ગયો હતો. ટીમ ઈન્ડિયાએ પણ જોરદાર અપીલ કરી હતી. પરંતુ અમ્પાયર મેરી ઇરાસ્મસ સંમત ન થયા.

થોડીવાર વિચાર્યા પછી રોહિતે વિચાર્યું કે કેમ ન મેરી ઈરાસ્મસને પૂછી લે. આ ઘટનાનો એક વીડિયો પણ વાયરલ થયો છે. આમાં રોહિત પૂછતો જોવા મળે છે,

🔊 Another day, another Rohit Sharma classic 😂#INDvsENG #BazBowled pic.twitter.com/UI5AwmYG78

— JioCinema (@JioCinema) February 3, 2024

'તમે શુ વિચારો છો, તમને શુ લાગે છે?'
રોહિતના આ મૂડમાં જસપ્રીત બુમરાહનો મોટો રોલ હતો. તેણે ઈંગ્લેન્ડના બેટ્સમેનોને રણ બનાવવાનો મોકો નહતો આપ્યો. ભારત માટે બુમરાહે શાનદાર રીતે બોલિંગનું નેતૃત્વ કર્યું હતું. આ ઇનિંગમાં તેણે કુલ છ વિકેટ ઝડપી હતી. જ્યારે કુલદીપ યાદવે ત્રણ અને અક્ષર પટેલે એક વિકેટ ઝડપી હતી. ઈંગ્લેન્ડ તરફથી ઝેક ક્રોલીએ સૌથી વધુ 76 રન બનાવ્યા હતા. જ્યારે બેન સ્ટોક્સે 47 રનની ઇનિંગ રમી હતી.

વધુ વાંચો: પ્રેગ્નેન્ટ છે અનુષ્કા શર્મા, ફરી પિતા બનશે વિરાટ કોહલી: એબી ડિવિલિયર્સે ઢંઢેરો પીટ્યો, ફેન્સ બનાવી રહ્યા છે મીમ્સ

આ પહેલા ભારતે પ્રથમ બેટિંગ કરી હતી. યશસ્વી જયસ્વાલે એકલા હાથે ઈંગ્લેન્ડના બોલરોને હરાવ્યા હતા. તેણે 290 બોલમાં 209 રનની ઇનિંગ રમી હતી. જોકે, તેને બીજા છેડેથી બહુ સપોર્ટ મળ્યો નહોતો. તેના સિવાય અન્ય કોઈ બેટ્સમેન 34ની ઉપર જઈ શક્યો નહોતો. જોકે, ભારતે બનાવેલા 396 રન પણ ઈંગ્લેન્ડ માટે પૂરતા હતા. તે તેની પ્રથમ ઇનિંગમાં 253 રન સુધી મર્યાદિત રહ્યો હતો. પ્રથમ દાવના આધારે ભારતને 143 રનની લીડ મળી હતી.