IPLIN
 

IND vs AUS / રસાકસીભરી મેચની છેલ્લી ઓવરમાં જીત્યું ભારત, ઓસ્ટ્રેલિયાને T20 સીરીઝમાં 2-1થી હરાવ્યું

Team VTV 10:58 PM, 25 Sep 22 | Updated: 11:14 PM, 25 Sep 22
Follow us
IND vs AUS 2nd T20I match India win by 6 wickets

સૂર્યકુમાર યાદવની તાબડતોબ ઇનિંગ અને વિરાટ કોહલીની ઇનિંગના દમ પર ભારતે ઓસ્ટ્રેલિયાને હરાવી દીધું છે. ત્યારે ભારતે ટી-20 સીરીઝમાં ઓસ્ટ્રેલિયાને 2-1થી માત આપી દીધી છે.

  • ભારત અને ઓસ્ટ્રેલિયા વચ્ચે ટી-20 શ્રેણીની ત્રીજી મેચ રમાઈ
  • ઓસ્ટ્રેલિયા સામે ભારતનો 6 વિકેટે વિજય
  • કોહલી અને સૂર્યકુમાર યાદવએ મેચમાં ફીફ્ટી ફટકારી

હૈદરાબાદમાં રાજીવ ગાંધી ઇન્ટરનેશનલ સ્ટેડિયમમાં રમાયેલ T20 મેચમાં ભારતે ઓસ્ટ્રેલિયાને 6 વિકેટથી હરાવી દીધું. ઑસ્ટ્રેલિયાએ પહેલા બેટિંગ કરતા 20 ઓવરમાં 7 વિકેટના નુકસાન પર 186 રન બનાવ્યા હતા. જેના જવાબમાં 187 રનના લક્ષ્યાંકનો પીછો કરવા ઉતરેલી ભારતીય ટીમે 19.5 ઓવરમાં 4 વિકેટના નુકસાન પર 187 રન બનાવ્યા.

ઓસ્ટ્રેલિયા સામે ભારતનો જોરદાર રેકૉર્ડ
ભારત તરફથી આ મેચમાં સૂર્યકુમાર યાદવે 36 બોલમાં 69 રનની ઇનિંગ રમી, જેમાં 5 ચોગ્ગા અને 5 છગ્ગા સામેલ રહ્યા. ત્યારે, વિરાટ કોહલીએ પણ 48 બોલમાં 63 રનની ઇનિંગ રમી, તેમણે 3 ચોગ્ગા અને 4 છગ્ગા લગાવ્યા. અંતમાં હાર્દિક પંડ્યાએ 16 બોલમાં 25 રનની ઇનિંગ રમી મેચ ફિનિશ કરી.

ટીમ ઇન્ડિયાએ ઓસ્ટ્રેલિયાને 3 મેચની ટી-20 સીરીઝમાં 2-1થી હરાવી દીધું છે. મોહાલીમાં ભારતને હાર મળી હતી, પછી નાગપુરમાં 8 ઓવરની મેચમાં ટીમ ઇન્ડિયાને જીત મળી અને હવે હૈદરાબાદમાં ટીમ ઇન્ડિયાએ જીત મેળવીને સીરીઝ જીતી લીધી છે.

ટી 20 ક્રિકેટમાં ભારતનો રેકૉર્ડ ઓસ્ટ્રેલિયા વિરૂદ્ધ ઘણો સારો છે. બન્ને ટીમો વચ્ચે હજુ સુધી 26 ટી-20 મેચ થઇ છે, જેમાં ભારતે 15 મેચ જીતી છે જ્યારે ઓસ્ટ્રેલિયાએ 10 મેચ જીતી છે. એક મેચનું પરિણામ હજું નથી નીકળ્યું.

છેલ્લી ઓવરમાં જઇને જીત્યું ભારત
ભારત અને ઓસ્ટ્રેલિયા વચ્ચે હૈદરાબાદમાં રમાયેલી ત્રીજી ટી-20 મેચમાં રોમાંચક મુકાબલો જોવા મળ્યો. છેલ્લી ઓવરમાં જઇને ટીમ ઇન્ડિયાએ આ મેચમાં જીત મેળવી. ભારતને છેલ્લી ઓવરમાં 11 રનની જરૂરિયાત હતી. અહીં ટીમ ઇન્ડિયાએ વિરાટ કોહલીની વિકેટ પણ ગુમાવી હતી પરંતુ હાર્દિક પંડ્યાએ ટીમ ઇન્ડિયાને જીત અપાવી દીધી. મેચ જીતવાની સાથે જ ભારતે સીરીઝ પણ 2-1થી પોતાના નામે કરી લીધી.

  • 19.1 ઓવર: વિરાટ કોહલી સિક્સ લગાવી
  • 19.2 ઓવર: વિરાટ કોહલી આઉટ થયો
  • 19.3 ઓવર: દિનેશ કાર્તિકે 1 રન લીધો
  • 19.4 ઓવર: હાર્દિક પંડ્યાએ ડૉટ બોલ રમ્યો
  • 19.5 ઓવર: હાર્દિક પંડ્યાએ ફોર લગાવીને ભારતને જીતાડ્યું

સ્કોર બોર્ડ :

  • ઓસ્ટ્રેલિયા : 186/7
  • ભારત : 187/4

ઓસ્ટ્રેલિયા તરફથી આ મેચમાં ટિમ ડેવિડે માત્ર 27 બોલમાં 54 રનોની ઇનિંગ રમી, જેમાં 4 છગ્ગા સામેલ રહ્યા. તે સિવાય કેમરૂન ગ્રીને માત્ર 21 બોલમાં 52 રનોની ઇનિંગ રમી. ઓસ્ટ્રેલિયાને તેજ શરૂઆત મળી હતી પરંતુ તેમની ઇનિંગ વચ્ચે થોટો સમય માટે પાછી પડી હતી.

IND Vs AUS India Cricket ક્રિકેટ ભારત ઓસ્ટ્રેલિયા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ