વડોદરામાં આવેલ આર.આર,.કેબલ કંપનીમાં વહેલી સવારે અચાનક ઈન્કમટેક્ષ દ્વારા સર્ચ ઓપરેશન હાથ ધરવામાં આવતા ચકચાર મચી જવા પામી હતી. ત્યારે ઈન્કમટેક્ષની રેડનાં પગલે આર.આર.કેબેલનાં શેરનાં ભાવમાં પણ કડાકો બોલ્યો હતો.
Share
વડોદરા આર.આર.કેબલ કંપની પર આઈટીની રેડ
મુંબઈ, અમદાવાદ, સુરત, સેલવાસ તેમજ વડોદરા હેટ ઓફીસ ખાતે દરોડા
આર.આર.કેબલ પર રેડ પડતા શેરનાં ભાવમાં ઘટાડો
વડોદરાનાં વાઘોડીયા જીઆઈડીસીમાં આવેલ વાયર તેમજ કેબલનું ઉત્પાદન કરતી જાણીતી બનેલી આર.આર.કાબેલ ગ્રુપ પર ઈન્કમટેક્ષ ડિપાર્ટમેન્ટ દ્વારા સર્ચ ઓપરેશન હાથ ધરતા દોડધામ મચી જવા પામી હતી. ત્યારે આઈટી વિભાગે સુરત, વડોદરા, અમદાવાદ, સેલવાસ, મુંબઈ સહિત 40 થી વધુ જગ્યાએ ઈન્કમટેક્ષ વિભાગની ટીમો દ્વારા સર્ચ ઓપરેશન હાથ ધરાયું હતું.
વહેલી સવારે ચુસ્ત પોલીસ બંદોબસ્ત સાથે 15 જેટલા અધિકારીઓ ત્રાટક્યા
વડોદરા ખાતે આવેલ કંપનીની હેડ ઓફીસ ખાતે આજે વહેલી સવારથી જ ઈન્કમટેક્સ વિભાગની ટીમો ત્રાટકી હતી. ત્યારે સવારની શિફ્ટમાં નોકરી પર ગયેલા 40 જેટલા કર્મચારીઓને કંપનીનાં ઓડિટોરિયમમાં બેસાડ્યા હતા. ત્યારે ચુસ્ત પોલીસ બંદોબસ્ત સાથે આઈટીનાં અધિકારી-કર્મચારીઓ ટીમ ત્રાટકી તપાસ હાથ ધરી હતી. મળતી માહિતી મુજબ કરોડો રૂપિયાની કરચોરી બહાર આવે તેવી શક્યતા છે.
વડોદરાની હેડ ઓફીસ ખાતે વણ સર્ચ ઓપરેશન હાથ ધર્યું
ઈન્કમટેક્ષ ડિપાર્ટમેન્ટ દ્વારા આજે વહેલી સવારે વડોદરામાં આર.આર.કેબલ પર આઈટી દ્વારા સર્ચ ઓપરેશન હાથ ધરવામાં આવ્યું હતું. ત્યારે વહેલી સવારથી 15 જેટલી આઈટી અધિકારીઓની આર.આર.કાબેલની વડોદરાની હેડ ઓફીસ ખાતે સર્ચ ઓપરેશન હાથ ધર્યું હતું. મળતી માહિતી મુજબ સવારની શિફ્ટમાં કંપની ખાતે પહોંચેલા કર્મચારીઓને કંપનીનાં ગેટ પાસે જ રોકી દેવામાં આવ્યા હતા. જે બાદ 40 જેટલા કર્મચારીઓનાં ફોન જપ્ત કરી તમામને એડિટોરિયમમાં બેસાડવામાં આવ્યા હતા.
બેંક એકાઉન્ટોની પણ વિગતો એકત્રીત કરી
આઈટી ની ટીમ દ્વારા કંપનીમાં સર્ચ ઓપરેશન હાથ ધરી કંપનીમાં ઉત્પાદન અને વેચાણની વિગતો કબ્જે કરી હતી. તેમજ આઈટી વિભાગ દ્વારા કાચા રો-મટિરિયલને લગતા તમામ ડેટાની વિગતો મેળવી હતી. તેમજ કંપનીનાં એકાઉન્ટ વિભાગનાં હેડ પાસેથી બેંક એકાઉન્ટોની પણ વિગતો એકત્રીત કરી હોવાનું જાણવા મળી રહ્યું છે. ત્યારે આઈટી વિભાગ દ્વારા કેટલાક દસ્તાવેજો પણ કબ્જે કર્યાનું સુત્રો દ્વારા જાણવા મળી રહ્યું છે.
રેડ બાદ શેરનાં ભાવમાં ઘટાડો
વડોદરામાં આર.આર,કેબલની કંપનીમાં ઈન્કમટેક્ષ વિભાગ દ્વારા સર્ચ ઓપરેશન હાથ ધરવામાં આવ્યું હતું. જેની અસર તેનાં શેરનાં ભાવમાં પડી હતી. ત્યારે રેડનાં સમાચાર વાયુ વેગે શેર માર્કેટમાં પ્રસતરા આર.આર.કેબલનાં શેરમાં 19.50 રૂપિયા તૂટ્યો હતો. આર.આર.કેબલનાં શેરનાં ભાવમાં 1.18 ટકાનો ઘટાડો થયો હતો. જે બાદ આર.આર.કેબલનાં શેરનો ભાવ રૂ. 1640 થયો હતો. ત્યારે આર.આર.કેબલ વાયર, ઈલેક્ટ્રોનિક્સ, રિયલ એસ્ટેટ ક્ષેત્રે પણ સક્રિય હોવાનું જાણવા મળી રહ્યું છે.
