વિરોધ / ગુજરાત ગૌરવ યાત્રામાં કેન્દ્રીય મંત્રીની સામે MPની ધૂણધાણી થઈ, મોરબીમાં સાંસદ મોહન કુંડારિયા હાય હાયના નારા લાગ્યા

• મોરબીમાં સાંસદ વિરૂદ્ધ લોકોએ રોષ વ્યક્ત કર્યો 
• ગૌરવ યાત્રામાં સાંસદ વિરોધ થઈ નારેબાજી
• પીયુષ ગોયલની ગોરવયાત્રામાં રહ્યા ઉપસ્થિત

સમગ્ર ગુજરાતમાં વિધાનસભાની ચૂંટણી પૂર્વ ભાજપની ગુજરાત ગૌરવ યાત્રાનું આયોજન કરવામાં આવ્યું છે. ભાજપની ગુજરાત ગૌરવ યાત્રા આજે મોરબી જિલ્લાના ટંકારા, વાકાનેર અને હળવદ પહોંચી હતી. ગુજરાત ગૌરવ યાત્રામાં કેન્દ્રીય મંત્રી પીયુષ ગોયલ પણ ઉપસ્થિત રહ્યા હતા. વાંકાનેરમાં ગૌરવ યાત્રામાં કેન્દ્રીય મંત્રી પીયુષ ગોયલની હાજરીમાં સાંસદ મોહન કુંડારિયાનો વિરોધ થયો હતો અને તેમના વિરોધમાં લોકોએ ભારે નારેબાજી પણ કરી હતી. કુંડારિયા વિરોધ નારેબાજી કરી લોકોએ રોષ ઠાલવ્યો હતો. નારેબાજીથી ઉપસ્થિત અન્ય નેતા સમગ્ર ઘટનાથી નારાજ હોય તેવો હાવભાવથી લાગી રહ્યું હતું. લોકોના વિરોધની ઘટનાને લઈ લોકો અને પોલીસ વચ્ચે સામાન્ય ઘર્ષણ પણ સર્જાયો હતો

સાંસદ વિરૂદ્ધ નારેબાજીની ચર્ચા

વાંકાનેરમાં ગૌરવ યાત્રામાં કેન્દ્રીય મંત્રી પીયોષ ગોયલની હાજરીમાં થયેલી નારેબાજીની ચર્ચા ચોતરફ થઈ કહી છે. વિરોધનો શૂર મોરબીના મહેન્દ્રનગર ગામમાં પણ જોવા મળ્યા હતા. ગૌરવ યાત્રાના સ્વાગત સ્થાન પર મહિલાઓએ બેડા સાથે વિરોધ કરી પાણીની માગ કરી હતી જે બાબતે પણ ઘર્ષણના દર્શયો સર્જાયા હતા.

ગૌરવ યાત્રામાં પીયોષ ગોયલે શુ કહ્યું?
ગૌરવ યાત્રા દરમિયાન પીયોષ ગોયલે કહ્યું હતું કે, ગુજરાતમાં આગામી સમયમાં યોજનાર વિધાનસભાની ચૂંટણીમાં 150 પ્લસ બેઠકો સાથે ભાજપ વિજય પતાકા લહેરાવશે અને ગુજરાત દેશના વિકાસમાં ગ્રોથ એન્જિન બનશે. આ ગૌરવ યાત્રામાં સાંસદ મોહનભાઈ કુંડારિયા, રાજ્યમંત્રી બ્રિજેશ મેરજા તેમજ ભાજપના અગ્રણી ભરત બોધરા, પૂર્વ મંત્રી ચીમનભાઈ સાપરિયા સહિતના નેતાઓ જોડાયા હતા