અંકુશ ક્યારે? / રાણીપમાં ગાયે બાળકનો પીછો કરી અડફેટે લીધો, તો દાહોદમાં આખલાની લડાઈમાં બાઈકચાલક પટકાયો, જુઓ રખડતાં ઢોરના ત્રાસનો વીડિયો

• અમદાવાદમાં ફરી બાળક બન્યો રખડતા પશુનો ભોગ
• બાળકને બચાવવા જતા વૃદ્ધ દાદીને સામાન્ય ઇજા પહોંચી
• દાહોદમાં પણ બે આખલાની લડાઈમાં બાઈક ચાલક પટકાયો

Gujarat News: રખડતા જોખમ પર અંકુશ ક્યારે?#gujaratnews #strayanimals #vtvgujarati pic.twitter.com/IUxtRRYanb

— VTV Gujarati News and Beyond (@VtvGujarati) October 9, 2023

રાજ્ય સરકાર દ્વારા રખડતા ઢોરને લઈ ઢોર નિયંત્રણ પોલીસી અમલમાં મુકી છે. પોલિસી અમલમાં આવ્યા બાદ એક બે દિવસ અધિકારીઓ દ્વારા તેની અમલવારી કર્યા બાદ પછી કાર્યવાહી સદંતર બંધ કરી દીધી છે.  ત્યારે સરકાર દ્વારા રખડતા ઢોર પકડવાની પોલિસી તો અમલમાં મુકી દીધી. પરંતું તેનો અમલ ક્યારે થશે.

ઘટનામાં બાળકના વૃદ્ધ દાદીને સામાન્ય ઇજા પહોંચી
રાજ્યમાં ફરી એક વખત રખડતા ઢોરોએ આતંક મચાવ્યો છે.  ત્યારે અમદાવાદમાં ફરી બાળક રખડતા પશુનો ભોગ બન્યો છે. ત્યારે રાણીપમાં એક ગાયે બાળકનો પીછો કરી અડફેટે લીધો હતો. ગાય બાળકની પાછળ દોડતા દાદીએ બાળકને બચાવ્યો હતો. આ સમગ્ર ઘટના સીસીટીવીમાં કેદ થઈ હતી. રાણીપ બલોલનગર સુંદરવન ફ્લેટ પાસે આ બનાવ બન્યો હતો. આ ઘટનામાં બાળકનાં વૃદ્ધ દાદીને સામાન્ય ઈજા પહોંચી હતી. ફ્લેટની અંદર ઢોર પહોંચી જતા આ ઘટના બની હતી. ફ્લેટની અંદર રમતા બાળકનો સદનસીબે બચાવ થયો હતો. 

બે આખલાની લડાઈમાં બાઈકચાલક પટકાયો 
બીજો બનાવ દાહોદમાં બન્યો હતો.  જેમાં દાહોદનાં ચાકલિયા અંડરબ્રિજ નજીક બે આખલાઓ વચ્ચે ઘમાસાણ યુદ્ધ ચાલી રહ્યું હતું. તે દરમ્યાન બંને આખલા સામ સામે રોડ પર આવી ગયા હતા. જે બાદ રોડ વચ્ચે જ બંને આખલા દોડ્યા હતા અને ટ્રકની પાછળથી પસાર થઈ રહેલા બાઈક ચાલકને સીધો જ અડફેટે લીધો હતો. જો કે બાઈક નીચે પડતા જ તે વ્યક્તિ રોકેટ ગતિએ ત્યાંથી ઉભો થઈને ભાગ્યો હતો. જેથી તેનો જીવ બચી ગયો હતો. આ ઘટનાને લઈ સરકારની ઢોર નિયંત્રણ પોલીસી સામે પણ અનેક સવાલો ઉઠી રહ્યા છે.