મોટી દુર્ઘટના / BIG NEWS: રાજકોટમાં જાગનાથ વિસ્તારમાં બિલ્ડિંગની છત પડતાં અફરાતફરી, દુકાનો-વાહનો દબાયા

• રાજકોટના યાજ્ઞિક રોડ પર મોટી દુર્ઘટના 
• બિલ્ડીંગની પહેલા માળની છત નીચે પડી 
• આખો સ્લેબ નીચે પડવાને કારણે નીચે દુકાનો અને વાહન દબાયા 

રાજકોટમા યાજ્ઞિક રોડ પર એક ભયંકર દુર્ઘટના બની છે. જેમા યાજ્ઞિક રોડ પર આવેલ ધનલક્ષ્મી બિલ્ડીંગની પહેલા માળની છત પડી ગઈ છે. છત પડી જવાને કારણે નીચે દુકાનો અને વહાનો દબાયા છે. 

દિવાળીમાં ઘરાકી હતી દુકાનામાં પર સ્લેબ પડ્યો 

સ્થાનિક લોકોએ આક્ષેપ લગાવ્યો હતો કે ફાયરબ્રિગેડને ફોન કર્યો હોવા છતાં એક કલાક બાદ ગાડી ત્યાં આવી હતી, પ્રત્યક્ષદર્શી એ જણાવ્યું કે દુકાનમાં દિવાળીના કારણે ઘરાકી હતી ત્યારે જ અચાનક જ ધડાકાભેર બિલ્ડિંગ પડી ગઈ હતી અને લોકો અંદર ફસાઈ ગયા હતા. જોકે લોકોએ સમયસૂચકતા દાખવીને ફટાફટ લોકો બહાર આવ્યા હતા. 

રેસ્ક્યંની કામગીરી શરૂ

ફારબ્રિગેડનાં અધિકારીઓએ સાવચેતી રાખવા માટે ઘટનાસ્થળે પહોંચીને કોઈ કાટમાળમાં ફસાયું ન હોય તેની ખાતરી શરૂ કરી હતી, પ્રાથમિક સમાચાર મળી રહ્યા છે કે રાહતની વાત કહી શકાય કે હાલ અંદર કોઈ દબાયું હોય તેવા સમાચાર નથી.

જર્જરીત બિલ્ડીંગનો સ્લેબ પડતા ઉઠ્યા સળગતા સવાલો 

જોકે આ બિલ્ડીંગનો સ્લેબ પડ્યા બાજ એવી માહિતી સામે આવી રહી છે. કે બિલ્ડિંગ પડ્યા પછી પણ સમારકામની તસ્દી કેમ ન લેવામાં આવી. સાથેજ બિલ્ડીંગ આટલી જર્જરીત હતી તો પછી તંત્ર તરફ આનું ધ્યાન કેમ ન ગયું. આ ઘટના બાદ એ સવાલ પણ ઉઠી રહ્યા છે. કે રાજકોટમાં આવી કેટલી બિલ્ડીંગ છે. 

સમારકામની જવાબદારી કોની હતી? 

જે લોકોનું રેસ્ક્યું કરવામાં આવ્યું છે તે લોકોએ એવું નિવેદન આપ્યું કે અમારો જીવ બચી ગયો તે અમારા માટે મોટી વાત છે. આ બિલ્ડીંગની સમારકામની જવાબદારી કોની તેને લઈને ઘણા સવાલો ઉટી રહ્યા છે. સાથેજ એ સવાલ પણ ઉઠી રહ્યો છે. કે શું પ્લાન પાસ થયો તે મુજબનું બાંધકામ હતું કે ન હતું.